ധര്‍മ്മജയത്തിന്‍ കൊടികളുയര്‍ത്തിയ ഭാരതമെന്നൊരു നാട്ടില്‍ വീര്യമുയര്‍ന്നഭിമാനത്തിന്‍ ഗാഥകള്‍ പാടിയ നാട്ടില്‍ വേദനിഷേവിത മഹിമയെഴും നവ വേദാന്താധിപനായി പാരം ഭൂവിനെയാകെയൊരുത്തമ ഗേഹമതാക്കാന്‍ വെമ്പി സര്‍വ്വസഹോദരസഖ്യമിയന്നൊരു ശുഭസന്ദേശം നല്‍കി ലോകം മുഴുവനുമാദരവാര്‍ന്ന വിവേക വിശേഷവുമായി ആനന്ദാമൃതു തൂകീ പാരില്‍ സ്വാമി വിവേകാനന്ദന്‍

Continue reading സ്വാമി വിവേകാനന്ദന്‍

ഏറെ നേരം കാത്തുനിന്ന് പതിനെട്ടാം പടിചവിട്ടി ശ്രീകോവിലിന്റെ നടയിലെത്തുമ്പോള്‍, നിമിഷങ്ങള്‍കൊണ്ടു പരതി കണ്ടെത്തി വന്ദിക്കേണ്ട കമനീയമായ, ചെറിയ ശ്രീ അയ്യപ്പ വിഗ്രഹം! അഴുതമേട്, കരിമല, നീലിമല എന്നീ സഹ്യന്റെ ഉത്തുംഗശ്യംഗങ്ങള്‍ താണ്ടി വരുമ്പോള്‍ ലഭിയ്ക്കുന്ന രണ്ടു സെക്കന്റു നേരത്തെ ദര്‍ശന സൗഭാഗ്യം! ആകാംക്ഷയോടെ തേടിയതെന്തോ അതുമാത്രം കണ്ണുകള്‍ കാണുന്നു. പുഞ്ചിരികണ്ടു, ചിന്മുന്ദ്രാങ്കിത ഹസ്തം കണ്ടു യുഗാന്തരങ്ങളെ അതിലംഘിച്ച ആ രണ്ടു സെക്കന്റുകളില്‍! മനസ്സിന്റെ ചഷകം നിറഞ്ഞുതുളുമ്പിയ ചാരിതാര്‍ത്ഥ്യം.

Continue reading ശ്രീ ശബരീശ തത്ത്വം

വേദശാസ്ത്രങ്ങളഭ്യസിക്കുകയും ഉറപ്പിക്കുകയും അത് ധര്‍മ്മാചരണത്തിലൂടെ സ്ഥാപിക്കുകയും ശിഷ്യനിലേയ്ക്ക് പകര്‍ത്തുകയും സ്വയം ആചരിക്കുകയും ചെയ്യുന്നവന്‍ ആചാര്യന്‍. വേദതത്ത്വങ്ങളഭ്യസിക്കുന്നതിലൂടെ ചരാചരങ്ങളെ സമഭാവനയോടെ വീക്ഷിക്കുകയും (ചരാചരസമത്വതഃ ) യമാദി യോഗസിദ്ധികളുണ്ടായിരിക്കുകയും ചെയ്യുന്നവര്‍ ആചാര്യന്‍. ആചാര്യന്‍ കാരുണ്യവാനും സ്‌നേഹനിധിയും ആയിരിക്കണം.

Continue reading ഗുരുസങ്കല്‍പം

പൂര്‍വ്വജന്‍ അവനതി പുണ്യചരിതന്‍ എന്നുളള ആപ്തവചനം ജ്യേഷ്ഠ സഹോദരനോടു കാണിക്കേണ്ട ബഹുമാനത്തെ സൂചിപ്പിക്കുന്നു. ‘രാമം ദശരഥം വിദ്ധി മാം വിദ്ധി ജനകാത്മജാം’ എന്നീ വരികളിലടങ്ങിയിരിക്കുന്ന ആശയവും ജ്യേഷ്ഠ സഹോദരന്റെ പത്‌നിയോടും സ്വീകരിക്കേണ്ട മനോഭാവത്തെ കാണിക്കുന്നു. രാമായണത്തിലെ അതിപ്രധാനമായ ഈ വരികള്‍ ലക്ഷ്മണനോട് സുമിത്ര പറഞ്ഞതാണ്. അച്ഛന്റെ മരണശേഷം മൂത്തപുത്രനായ രാമനെ സഹോദരനായ ലക്ഷ്മണന്‍ എങ്ങനെ കരുതണമെന്ന് ഇവിടെ നിര്‍ദ്ദേശിച്ചിരിക്കുന്നു. കുടുംബബന്ധത്തില്‍ പിതാവിന്റെ മരണമോ, മാതാവിന്റെ വിയോഗമോ കാരണം ധര്‍മ്മച്യുതി വരാതെ നയിക്കേണ്ട ചുമതല ആചാര്യന്‍ ഏല്‍പ്പിച്ചിരിക്കുന്നത് ജ്യേഷ്ഠ സഹോദരനെയാണ്.

Continue reading ഗുരുസങ്കല്‍പം

ഭര്‍ത്താവ്‌ എന്ന വാക്കിന്‌ ഭരിക്കുന്നവന്‍ എന്നാണര്‍ത്ഥം. ഭാര്യ ഭരിക്കപ്പെടുന്ന തത്ത്വമാണ്‌. ഭരണം അധികാരമോഹം കൊണ്ടുള്ള അധീശത്വമല്ല. വിനയപൂര്‍ണ്ണമായ സേവനമാണ്‌. ത്യാഗമേറ്റെടുക്കേണ്ട ചുമതലയും അതിലുണ്ട്‌. നിയന്ത്രണംകൊണ്ടും സേവനംകൊണ്ടും മാത്രമേ ഒരു തത്ത്വം പഠിക്കുവാനും കഴിയൂ. ഭര്‍ത്താവും ഭാര്യയും ഈ തത്ത്വമറിഞ്ഞു പ്രവര്‍ത്തിക്കണം. തന്മൂലം കുഞ്ഞുങ്ങള്‍ അതനുസരിക്കും.

Continue reading ഗുരുസങ്കല്‍പ്പം

ഗുരുര്‍വിഷ്ണു:- ഗുരു വിഷ്ണുവാകുന്നു. വിഷ്ണു എന്ന വാക്കിന് വ്യാപനശീലന്‍ എന്നാണര്‍ത്ഥം. വിശ ധാതുവില്‍ നിന്നാണ് ഈ നാമം ഉണ്ടായത്. (വിശ+നുക്) പ്രവേശിക്കുന്നവന്‍ എന്നാണ് ഈ വാക്കിനര്‍ത്ഥം. അന്തര്‍യാമിയായും ബഹിര്‍യാമിയായും ജഗത്തില്‍ പ്രവേശിക്കുന്നവന്‍.

Continue reading ഗുരുസങ്കല്‍പ്പം

അര്‍ത്ഥം അര്‍പ്പിക്കുമ്പോള്‍ ആഗ്രഹങ്ങളില്‍ നിന്നുണ്ടാകുന്ന വികാരങ്ങളും അര്‍പ്പിക്കപ്പെടുന്നു. പുത്രൈഷണ, ദാരൈഷണ, അര്‍ത്ഥൈഷണ എന്നിങ്ങനെ ദു:ഖകാരണമായ ഏഷണത്രയങ്ങളും ഗുരുസങ്കല്‍പ്പത്തില്‍ സമര്‍പ്പിക്കുന്നു. പ്രാണനെ അര്‍പ്പിക്കുമ്പോള്‍ ആദ്ധ്യാത്മികം, ആധിദൈവികം, ആധിഭൗതികം എന്നീ താപത്രയത്തെയും (3 ദു:ഖങ്ങളെയും) അര്‍പ്പിക്കുന്നു.

Continue reading ഗുരുസങ്കല്‍പ്പം

ഗു’ ശബ്ദമന്ധകാരം താന്‍ ‘രു’ ശബ്ദം തന്നിരോധകം ഇരുട്ടു നീക്കീടുകയാല്‍ ഗുരുവെന്നരുളുന്നിതേ ‘ഗു’ എന്ന ശബ്ദം അജ്ഞാനത്തെയും ‘രു’ ശബ്ദം ജ്ഞാനത്തെയും സൂചിപ്പിക്കുന്നു. ജ്ഞാനമാകുന്ന ചൈതന്യംകൊണ്ട്‌ (പ്രകാശം കൊണ്ട്‌) അജ്ഞാനമാകുന്ന ഇരുട്ടിനെ അകറ്റുന്നവനാണ്‌ ഗുരു. ഇവിടെ അജ്ഞാനത്തെ ഇരുട്ടായും ജ്ഞാനത്തെ (അറിവിനെ) പ്രകാശമായും വിശേഷിപ്പിച്ചിരിക്കുന്നു.

Continue reading ഗുരുസങ്കല്‍പ്പം

സരസ്വതീ നമസ്തുഭ്യം വരദേ കാമരൂപിണീ ! വിദ്യാരംഭം കരിക്ഷ്യാമി സിദ്ധിര്‍ ഭവതുമേ സദാ !!

Continue reading ഇന്ന് വിജയദശമി

ഗുരുശബ്ദത്തിനുള്ള നാനാര്‍ത്ഥങ്ങള്‍:- ഗുരു എന്ന ശബ്ദത്തിന് ഏറ്റവും വലുത് എന്നാണര്‍ത്ഥം. വ്യാഴന്‍ ഏറ്റവും വലിയ ഗ്രഹമായതുകൊണ്ടാണ് ഗുരു എന്ന് വിശേഷിപ്പിക്കപ്പെടുന്നത്. ബൃഹസ്പതി (ദേവഗുരു) എന്ന അര്‍ത്ഥത്തില്‍ ജ്ഞാനം കൊണ്ടുള്ള ഗുരുത്വവും അതിനുണ്ട്. മുഖ്യമായ, ഉത്തമമായ, വന്ദ്യമായ എന്നിങ്ങനെ നാനാര്‍ത്ഥവും ഈ ശബ്ദത്തിനുണ്ട്. വലിയരൂപമുള്ളത്, വിലയേറിയത് എന്നിവയും ഗുരു എന്ന പദത്തിന്റെ അര്‍ത്ഥങ്ങളാണ്. കാവ്യത്തില്‍ രണ്ടു മാത്രയുള്ള അക്ഷരങ്ങളെ ഗുരു എന്ന് വിശേഷിപ്പിച്ചിരിക്കുന്നു.

Continue reading ഗുരുസങ്കല്പം