ബ്രഹ്മശ്രീ നീലകണ്ഠഗുരുപാദരുടെ 113-ാം ജയന്തി ആഘോഷവും ഹനുമത് പൊങ്കാലയും ഇന്ന്

January 8, 2013 പ്രധാന വാര്‍ത്തകള്‍

തിരുവനന്തപുരം: ശ്രീരാമദാസാശ്രമം സ്ഥാപകാചാര്യനും ജഗദ്ഗുരു സ്വാമി സത്യാനന്ദസരസ്വതി തൃപ്പാദങ്ങളുടെ ഗുരുനാഥനും അദ്ധ്യാത്മരാമായണ സാധനാവൃത്തിയിലൂടെ ആത്മനിര്‍വൃതി നേടിയ മഹാപ്രഭുവുമായ  ബ്രഹ്മശ്രീ നീലകണ്ഠഗുരുപാദരുടെ 113-ാം അവതാര ജയന്തി  2013 ജനുവരി 9ന് (1188 ധനു 25ന്) ബുധനാഴ്ച തൃക്കേട്ട നക്ഷത്രത്തില്‍ ഭക്തിനിര്‍ഭരമായ ചടങ്ങുകളോടെ ശ്രീരാമദാസ ആശ്രമം- മിഷന്‍ പ്രസ്ഥാനങ്ങളുടെ നേതൃത്വത്തില്‍ ലോകമെമ്പാടും ആഘോഷിക്കുന്നു.

gurupada jayanthi 2013  sliderശ്രീരാമദാസ ആശ്രമത്തില്‍ രാവിലെ 5.30ന് ആരാധന, 6.30ന് അഹോരാത്ര രാമായണപാരായണ സമാരംഭം, 7.30ന് ലക്ഷാര്‍ച്ചന, 8ന് കഞ്ഞിസദ്യ, 10ന് ഹനുമത് പൊങ്കാല, 10.15ന് അക്ഷരശ്ലോക സദസ്സ്, ഉച്ചയ്ക്ക്  ഒന്നിന് അമൃതഭോജനം, വൈകുന്നേരം 4.45ന് അക്ഷരശ്ലോക സദസ്സ് സമാപനം, ഗുരുപാദ സ്മരണയും സമ്മാനദാനവും 5ന് സംഗീതാര്‍ച്ചന, രാത്രി 7ന് ലക്ഷാര്‍ച്ചന സമര്‍പ്പണം, 8ന് ഭജന, 8.30ന് ആരാധന. സ്വാമി ബ്രഹ്മപാദാനന്ദ സരസ്വതിയുടെ മുഖ്യകാര്‍മ്മികത്വത്തില്‍ നടക്കുന്ന ജയന്തിദിന ചടങ്ങുകള്‍ 10-ാം തീയതി രാവിലെ 3.30ന് ശ്രീരാമപട്ടാഭിഷേകത്തോടെ സമാപിക്കും.

കൂടുതല്‍ വാര്‍ത്തകള്‍ - പ്രധാന വാര്‍ത്തകള്‍