സോളാര്‍ വിവാദം: ഇടതു യുവജന സംഘടനകളുടെ മാര്‍ച്ചില്‍ സംഘര്‍ഷം

June 25, 2013 പ്രധാന വാര്‍ത്തകള്‍

തിരുവനന്തപുരം: സോളാര്‍ വിവാദത്തില്‍ മുഖ്യമന്ത്രി ഉമ്മന്‍ ചാണ്ടി രാജിവയ്ക്കണമെന്ന് ആവശ്യപ്പെട്ട് ഇടത് യുവജന സംഘടനകള്‍ സെക്രട്ടറിയേറ്റിലേക്ക് നടത്തിയ മാര്‍ച്ചില്‍ സംഘര്‍ഷം. പ്രവര്‍ത്തകര്‍ പോലീസിന് നേരെ കല്ലെറിഞ്ഞു. സ്ഥലത്ത് സുരക്ഷയ്ക്കുണ്ടായിരുന്ന പോലീസുകാരനില്‍ നിന്നും ലാത്തിപിടിച്ചു വാങ്ങിയ പ്രവര്‍ത്തകര്‍ മാധ്യമപ്രവര്‍ത്തകരെയും ആക്രമിച്ചു. ആക്രമണം രൂക്ഷമായതോടെ പോലീസ് ജലപീരങ്കിയും കണ്ണീര്‍വാതകവും പ്രയോഗിച്ചു. പാളയം രക്തസാക്ഷി മണ്ഡപത്തില്‍ നിന്നും തുടങ്ങിയ മാര്‍ച്ചില്‍ ഇടത് യുവജന സംഘടനകളിലെ പ്രമുഖരെല്ലാം അണിനിരന്നു. മാര്‍ച്ച് സെക്രട്ടറിയേറ്റിന് മുന്നില്‍ എത്തുന്നതിന് മുന്‍പ് നേതാക്കളെ മറികടന്ന് എത്തിയ പ്രവര്‍ത്തകരാണ് ആക്രമണം അഴിച്ചുവിട്ടത്. തുടര്‍ന്ന് നേതാക്കള്‍ ഇടപെട്ട് പ്രവര്‍ത്തകരെ ശാന്തരാക്കി. സംഘര്‍ഷത്തില്‍ നിരവധി പ്രവര്‍ത്തകര്‍ക്കും പരിക്കേറ്റു.

കൂടുതല്‍ വാര്‍ത്തകള്‍ - പ്രധാന വാര്‍ത്തകള്‍