തിരുവനന്തപുരം: സംസ്ഥാനത്തു മാവോയിസ്റ്റ് സാന്നിധ്യം കണ്ടെത്തിയതായി ഡിജിപി കെ.എസ്.ബാലസുബ്രഹ്മണ്യം പറഞ്ഞു. സൈനീക ഉദ്യോഗസ്ഥരുമായുള്ള മുഖ്യമന്ത്രിയുടെ സംവാദത്തില് പങ്കെടുക്കുകയായിരുന്നു ഡിജിപി. കര്ണാടകയുമായി അതിര്ത്തി പങ്കിടുന്ന കാസര്ഗോഡ് ജില്ലയില് വിവിധ പ്രദേശങ്ങളില് മാവോയിസ്റ്റ് സാന്നിധ്യമുള്ളതായി കണ്ടെത്തിയിരുന്നു. തമിഴ്നാട്, കര്ണാടക അതിര്ത്തികളിലൂടെ മാവോയിസ്റ്റുകള് നുഴഞ്ഞുകയറാന് സാധ്യതയുണ്ടെന്നു ഇന്റലിജന്സ് റിപ്പോര്ട്ടുകളുമുണ്ടായിരുന്നു. വര്ഗീയതയും സാമുദായിക സ്പര്ധയും കേരളത്തില് മറ്റു സംസ്ഥാനങ്ങളിലെ പോലെ വളര്ന്നു വരുന്നുണ്ട്. തീവ്രവാദം ഉള്പ്പെടെയുള്ള ഭീഷണികളെ അതിജീവിക്കുന്നതിന്റെ ഭാഗമായാണ് ഇന്ത്യാ റിസര്വ് ബറ്റാലിയന് ഉള്പ്പെടെയുള്ളവ സ്ഥാപിച്ചത്. കടലിലൂടെയുള്ള കടന്നു കയറ്റം തടയുന്നതില് പരിജ്ഞാനമുള്ള ഉദ്യോഗസ്ഥര് സേനയില് കുറവാണ്. അത്യാധുനിക ഇന്റര്സെപ്റ്റര് ബോട്ടുകള് ഓടിക്കുന്നവരുടെ അഭാവവവും തീരദേശ പോലീസിനു വിഘാതം സൃഷ്ടിക്കുന്നു. നാവികസേനയില് നിന്നു വിരമിച്ച ഉദ്യോഗസ്ഥര് ഉള്പ്പെടെയുള്ളവരുടെ സേവനം ഇതിനായി വിനിയോഗിക്കാനാണു പോലീസ് ശ്രമിക്കുന്നതെന്നും ഡിജിപി പറഞ്ഞു.
സംസ്ഥാനത്തു മാവോയിസ്റ്റ് സാന്നിധ്യമുണ്ടെന്നു ഡിജിപി
പുതിയ വാർത്തകൾ
Discussion about this post