കൊച്ചി: ആനക്കൊമ്പ് കേസില്‍ മോഹന്‍ലാലിനെതിരേ നല്‍കിയ ഹര്‍ജി ഹൈക്കോടതി തള്ളി. ഇതു സംബന്ധിച്ച വിജിലന്‍സ് അന്വേഷണ ആവശ്യവും നേരത്തെ വിജിലന്‍സ് കോടതി തള്ളിയിരുന്നു. കേസിന്റെ അന്വേഷണപുരോഗതിക്ക് കോടതി ഇടപെടണമെന്ന ഹര്‍ജിയാണ് തള്ളിയത്. മോഹന്‍ലാലിനെ സിനിമാനടനായ മുന്‍ വനം മന്ത്രി കെ. ബി. ഗണേഷ്കുമാറും വനം ഉദ്യോഗസ്ഥരും ചേര്‍ന്ന് സംരക്ഷിക്കുകയാണെന്ന് ചൂണ്ടിക്കാട്ടി തൃശൂര്‍ പൊറത്തുശേരി സ്വദേശി പ്രമോദ് സമര്‍പ്പിച്ച ഹര്‍ജിയാണ് ജസ്റിസ് പി. ഭവദാസന്‍ തള്ളിയത്. മോഹന്‍ലാലിന്റെ വീട്ടില്‍ ആദായനികുതി വകുപ്പ് റെയ്ഡ് നടത്തിയപ്പോള്‍ നാല് ആനക്കൊമ്പുകള്‍ കണ്ടത്തിെയിരുന്നു. ഇക്കാര്യം വനം വകുപ്പിനെ അറിയിക്കുകയും അവര്‍ നടത്തിയ പരിശോധനയില്‍ ഇക്കാര്യം സ്ഥിരീകരിക്കുകയും ചെയ്തു. മഹസര്‍ തയാറാക്കിയെങ്കിലും കൊമ്പുകള്‍ പിടിച്ചെടുത്തില്ല. വനം വകുപ്പ് മോഹന്‍ലാലിനും മറ്റ് രണ്ട് പേര്‍ക്കുമെതിരെ നല്‍കിയ പരാതിയിന്മേല്‍ പെരുമ്പാവൂര്‍ മജിസ്ട്രേറ്റ് കോടതിയില്‍ കേസ് നിലവിലുണ്ടെങ്കിലും മരവിച്ചിരിക്കുകയാണെന്നും ഹര്‍ജിയില്‍ ആരോപിച്ചിരുന്നു. ഹര്ജിക്കാരന് കേസുമായി ബന്ധമില്ലെന്നും പ്രശസ്തിക്ക് വേണ്ടിയാണ് കോടതിയെ സമീപിച്ചതെന്നും സര്‍ക്കാര്‍ വാദിച്ചു. ഈ ആവശ്യമുന്നയിച്ച് കോടതിയെ സമീപിക്കാന്‍ ഹര്ജിക്കാരന് അര്‍ഹനല്ലാത്ത സാഹചര്യത്തില്‍ ഹര്‍ജി നിലനില്‍ക്കില്ലെന്നും തള്ളണമെന്നും സര്‍ക്കാര്‍ ആവശ്യപ്പെട്ടിരുന്നു.
ആനക്കൊമ്പ് കേസില്‍ മോഹന്‍ലാലിനെതിരേയുള്ള ഹര്‍ജി ഹൈക്കോടതി തള്ളി
പുതിയ വാർത്തകൾ
Discussion about this post