തിരുവനന്തപുരം: സാധാരണക്കാര്ക്ക് എളുപ്പത്തില് വയ്പ ലഭ്യമാക്കാന് സഹകരണ മേഖലയിലെ ബാങ്കുകളുടെ യോഗത്തില് ധാരണ. ഇതിന്റെ ഭാഗമായി സഹകരണ ബാങ്കുകളിലെ പലിശനിരക്ക് പരമാവധി 15 ശതമാനമാക്കി കുറയ്ക്കുന്നതിനും സര്ക്കാര് തീരുമാനിച്ചു.
അപേക്ഷിക്കുന്നതിന്റെ അടുത്തദിവസംതന്നെ ജാമ്യമില്ലാതെ 5000 രൂപവരെ നല്കണമെന്നും വ്യവസ്ഥയുണ്ട്. ബ്ലേഡ് മാഫിയയുടെ വലയില്നിന്ന് സാധാരണക്കാരെ രക്ഷിക്കുകയെന്ന ലക്ഷ്യത്തോടെയാണ് പലിശനിരക്കുകളില് കുറവ് വരുത്തിയത്. സ്കൂളുകള് തുറക്കുന്നതിന് മുമ്പായി തീരുമാനങ്ങള് നടപ്പില്വരുത്താനും ധാരണയായി. മുഖ്യമന്ത്രി ഉമ്മന്ചാണ്ടിയുടെ അധ്യക്ഷതയില് ചേര്ന്ന യോഗത്തിലാണ് തീരുമാനമായത്.
ആഭ്യന്തരം, ധനം, സഹകരണം എന്നീ വകുപ്പുകളുടെ മന്ത്രിമാരും ഉദ്യോഗസ്ഥരും യോഗത്തില് പങ്കെടുത്തു. ഓപ്പറേഷന് കുബേരയുമായി മുന്നോട്ടുപോയപ്പോള് ശ്രദ്ധയില്പ്പെട്ട വസ്തുതാപരമായ കാര്യങ്ങളുടെ അടിസ്ഥാനത്തിലാണ് സര്ക്കാരിന്റെ ഈ നടപടി.
Discussion about this post