തിരുവനന്തപുരം:കാപ്പ നിയമത്തില് ഭേദഗതികള് കൊണ്ടുവരുന്നത് സര്ക്കാര് ആലോചനയിലെന്ന് ആഭ്യന്തരമന്ത്രി രമേശ് ചെന്നിത്തല. രാഷ്ട്രീയ ലക്ഷ്യങ്ങളോടെ നിയമം നടപ്പിലാക്കുന്നത് സര്ക്കാര് നയമല്ലെന്നും രമേശ് ചെന്നിത്തല നിയമസഭയില് പറഞ്ഞു. കാപ്പ ചുമത്തിയ കേസുകളില് പുനഃപരിശോധന വേണമെന്ന് വി എസ് അച്യുതാനന്ദന് ആവശ്യപ്പെട്ടു. അടിയന്തരപ്രമേയത്തിന് അനുമതി നിഷേധിച്ചതില് പ്രതിഷേധിച്ച് പ്രതിപക്ഷം ഇറങ്ങിപ്പോയി. എന്നാല് രാഷ്ട്രീയ ലക്ഷ്യങ്ങളോടെ നിയമം പ്രയോഗിക്കുന്നത് സര്ക്കാര് നയമല്ലെന്ന് ആഭ്യന്തരമന്ത്രി രമേശ് ചെന്നിത്തല മറുപടി നല്കി. രാഷ്ട്രീയപ്രവര്ത്തകര് രാഷ്ട്രീയമാണ് പ്രവര്ത്തിക്കേണ്ടതെന്നും സര്ക്കാരിനെ കോടതി വിമര്ശിച്ചിട്ടില്ലെന്നും ആഭ്യന്തരമന്ത്രി രമേശ് ചെന്നിത്തല പറഞ്ഞു. കാപ്പ നിയമം ഭേദഗതി ചെയ്യുന്നത് ആലോചനയിലാണെന്നും രാഷ്ട്രീയ ലക്ഷ്യങ്ങളോടെ കാപ്പ നിയമം ദുരുപയോഗിക്കില്ലെന്നും ചെന്നിത്തല വ്യക്തമാക്കി.
അതേസമയം കാപ്പ നിയമം ഉപയോഗിച്ച് യുവജന നേതാക്കളെ കള്ളക്കേസില് കുടുക്കുന്നുവെന്നും പാര്ട്ടി താത്പര്യങ്ങള്ക്ക് വേണ്ടി നിയമം ഉപയോഗിക്കുന്നുവെന്നും ആരോപിച്ചാണ് ഇ പി ജയരാജന് അടിയന്തര പ്രമേയത്തിന് അനുമതി തേടിയത്. ജനകീയ സമരങ്ങള് നടത്തുന്ന യുവജന നേതാക്കളെ കാപ്പ നിയമം ഉപയോഗിച്ച് സര്ക്കാര് അടിച്ചമര്ത്തുകയാണ്. ഭരണം മാറിവരുമെന്ന് സര്ക്കാര് മറക്കരുതെന്ന് പ്രതിപക്ഷ ഉപനേതാവ് കോടിയേരി ബാലകൃഷ്ണന് പറഞ്ഞു
Discussion about this post