കൊല്ലം: ഈഴവ സമുദായത്തോട് ഉമ്മന്ചാണ്ടി സര്ക്കാര് നീതി പുലര്ത്തുന്നതില് സന്തോഷമുണ്ടെന്ന് എസ്എന് ട്രസ്റ്റ് സെക്രട്ടറി വെള്ളാപ്പള്ളി നടേശന് പറഞ്ഞു. ഏഴാം തവണയും ട്രസ്റ്റ് സെക്രട്ടറിയായി തെരഞ്ഞെടുക്കപ്പെട്ട വെള്ളാപ്പള്ളി നടേശനും ട്രസ്റ്റ് ഭാരവാഹികള്ക്കും കൊല്ലം എം.പി എന് കെ പ്രേമചന്ദ്രനും എസ് എന് ഡി പി യൂണിയന് സംഘടിപ്പിച്ച സ്വീകരണ സമ്മേളനത്തില് പ്രസംഗിക്കുകയായിരുന്നു വെള്ളാപ്പള്ളി.
എല്ഡി.എഫ് സര്ക്കാരില് നിന്ന് വ്യത്യസ്തമായി വിദ്യാഭ്യാസ മേഖലയില് ഈഴവ സമുദായത്തിന് അര്ഹമായ പരിഗണനയാണ് ഇപ്പോള് ലഭിച്ചുകൊണ്ടിരിക്കുന്നത്. കഴിഞ്ഞ വര്ഷം 12 ആര്ട്ട്സ് ആന്റ് സയന്സ് കോളേജ് ആരംഭിക്കാന് അനുമതി തന്നു. വിദ്യാഭ്യാസ മന്ത്രിയും ഇക്കാര്യത്തില് അനുഭാവപൂര്ണമായ സമീപനമാണ് സ്വീകരിച്ചത്. എല്ഡിഎഫ് സര്ക്കാരിന്റെ കാലത്ത് പി ജെ ജോസഫിന്റെ നേതൃത്വത്തില് എസ്എന് ട്രസ്റ്റിന്റെ വിദ്യാഭ്യാസ വളര്ച്ച മുരടിപ്പിച്ച് നശിപ്പിക്കുകയായിരുന്നു.
എം.എ ബേബിയുടെ രാജി അടവ് വെറുതേ ആദര്ശം കാട്ടാനുള്ള നാട്യമാണെന്ന് വെള്ളാപ്പള്ളി പരിഹസിച്ചു. തെരഞ്ഞെടുപ്പിന് മുമ്പ് ബേബി എന്നെ കാണാന് വന്നിരുന്നു. ജയിക്കാന് പ്രയാസമാണെന്ന് അന്നേ ഞാന് പറഞ്ഞു. കാരണം ബേബിയ്ക്ക് സ്വന്തമായി എത്ര വോട്ടുണ്ട്? എതിര് സ്ഥാനാര്ഥി എന് കെ പ്രേമചന്ദ്രന് മുന്നണി വോട്ടുകളല്ലാതെ സ്നേഹം നല്കി സ്നേഹം വാങ്ങുന്ന വോട്ട് ഒരുപാടുണ്ട്. അത് ജനങ്ങള് വിനിയോഗിക്കുകയും ചെയ്തു. പരാജയ കാരണത്തെക്കുറിച്ച് ചിന്തിക്കാനുള്ള തിരിച്ചറിവ് സിപിഎംകാര്ക്കുണ്ടാകണമെന്നും അദ്ദേഹം പറഞ്ഞു.
Discussion about this post