ന്യൂഡല്‍ഹി: കേന്ദ്ര ബജറ്റില്‍ ആദായ നികുതി പരിധി രണ്ടരലക്ഷമാക്കി ഉയര്‍ത്തി. രണ്ട് ലക്ഷത്തില്‍ നിന്നുമാണ് രണ്ടരലക്ഷമാക്കി പരിധി ഉയര്‍ത്തിയിരിക്കുന്നത്. മുതിര്‍ന്ന പൗരന്‍മാര്‍ക്ക് ആദായ നികുതി പരിധി മൂന്ന് ലക്ഷത്തില്‍ നിന്നും മൂന്നരലക്ഷം രൂപയായും ഉയര്‍ത്തി. 80-സി പ്രകാരമുള്ള നികുതി ഇളവ് പരിധി ഒരു ലക്ഷത്തില്‍ നിന്നും ഒന്നരലക്ഷം രൂപയാക്കി ഉയര്‍ത്തി.
കോര്‍പ്പറേറ്റുകള്‍ നല്‍കേണ്ട നികുതി പഴയ രീതിയില്‍ തുടരും. ആദായ നികുതിയുടെ ഘടനയിലും മാറ്റം ഇല്ല. ഭവനവായ്പ പലിശ ഇളവ് രണ്ടു ലക്ഷമാക്കി. 16 പുതിയ ആദായ നികുതി സേവാ കേന്ദ്രങ്ങള്‍ കൂടി തുടങ്ങും.
രാജ്യത്ത് നഗരങ്ങള്‍ വികസിപ്പിക്കുവാന്‍ 50,000 കോടി രൂപയും ഗംഗാ ശുചീകരണത്തിന് 4400 കോടി രൂപയും ബജറ്റില്‍ വിലയിരുത്തി. തുറമുഖ വികസനത്തിന് 11300 കോടി രൂപ വകയിരുത്തി. 16 പുതിയ തുറമുഖങ്ങള്‍ കൂടി രാജ്യത്ത് നിര്‍മ്മിക്കും. തൂത്തുക്കുടി തുറമുഖം വികസിപ്പിക്കുന്നതിന് പ്രത്യേക സഹായം നല്‍കും. എന്നില്‍ വിഴിഞ്ഞം തുറമുഖത്തെക്കുറിച്ച് ബജറ്റില്‍ പരാമര്‍ശമില്ല.
കേരളമുള്‍പ്പെടെ അഞ്ച് സംസ്ഥാനങ്ങളിക്ക് പുതിയ ഐഐടികള്‍ അനുവദിക്കുമെന്നും കേന്ദ്ര ബജറ്റില്‍ ധനമന്ത്രി അരുണ്‍ ജെയ്റ്റിലി. എന്നാല്‍ സംസ്ഥാനം ഏറെ പ്രതീക്ഷയോടെ കാത്തിരുന്ന എയിംസ് കേരളത്തിന് ലഭിക്കില്ല. ഘട്ടംഘട്ടമായി മറ്റ് സംസ്ഥാനങ്ങളില്‍ എംയിംസ് അനുവദിക്കുമെന്ന് ബജറ്റില്‍ സൂചിപ്പിച്ചിട്ടുണ്ട്..
Discussion about this post