തിരുവനന്തപുരം: അദ്ധ്യായന ഫീസ്/ചാര്ജുകള് എന്നിവ ഒഴികെ എല്ലാ സര്ക്കാര് വകുപ്പുകളിലും നിലവിലുള്ള യൂസര് ചാര്ജുകളും ഫീസുകളും പുതുക്കി സര്ക്കാര് ഉത്തരവായി. 10 രൂപ വരെ പുതുക്കല് ഇല്ല. 10 രൂപയ്ക്ക് മുകളില് 1,000 രൂപ വരെ 50 ശതമാനവും 1,000 രൂപയ്ക്ക് മുകളില് 10,000 രൂപ വരെ 25 ശതമാനവും 10,000 രൂപയ്ക്ക് മുകളിലുള്ള ഫീസിന് 15 ശതമാനവുമാണ് പരിഷ്കരിച്ചിട്ടുള്ളത്.
ഒക്ടോബര് ഒന്നുമുതല് ആണ് ഇതിന് പ്രാബല്യം നല്കിയിരിക്കുന്നത്. സര്ക്കാര് സേവനങ്ങളുടെ ഗുണനിലവാരം ഉറപ്പുവരുത്തുക എന്ന ഉദ്ദേശ്യത്തോടെയാണ് ഇത്. 2012 ഏപ്രില് ഒന്നിനുശേഷം നിരക്ക് വര്ദ്ധിപ്പിക്കാത്ത ഇനങ്ങള്ക്കാണ് വരവ് പുതുക്കല് ബാധകമാക്കിയിട്ടുള്ളത്. വിദ്യാഭ്യാസ മേഖലയില് ട്യൂഷന് ഫീസ്, സ്പഷ്യല് ഫീസ്, ലബോറട്ടറി ഫീസ്, ലൈബ്രറി ഫീസ്, മാഗസിന് ഫീസ്, അത്ലറ്റിക് ഫീസ്, വാടക ഉള്പ്പെടെയുള്ള ഹോസ്റ്റല് ഫീസ്, വൈദ്യുതി ചാര്ജ്, വിദ്യാര്ത്ഥികളില് നിന്നും ഈടാക്കുന്ന കുടിവെള്ള ചാര്ജ് ഉള്പ്പെടെയും സര്ക്കാര്/എയ്ഡഡ് മേഖലയില് പ്രവര്ത്തിക്കുന്ന സ്കൂളുകള് കോളേജുകള് പോളിടെക്നിക്കുകള് ഐ.റ്റി.ഐ., ഐ.റ്റി.സി, മറ്റ് പരിശീലന സ്ഥാപനങ്ങള് മുതലായ ഇടങ്ങളില് നിന്നും ഈടാക്കുന്ന എന്ത് തരം നികുതിയും വരവ് പുതുക്കലില് നിന്നും ഒഴിവാക്കിയിട്ടുണ്ട്.
എല്ലാ വകുപ്പ് മേധാവികളും നികുതിയേതര പിരിവ് ആഴ്ചതോറും വിലയിരുത്തി നവംബര് മുതല് എല്ലാ മാസത്തിലേയും 10 ന് ഇതു സംബന്ധിച്ച റിപ്പോര്ട്ട് ധനവകുപ്പ് അഡീഷണല് ചീഫ്സെക്രട്ടറിയ്ക്ക് സമര്പ്പിക്കുകയും വേണം.
Discussion about this post