കൊല്ലം: ശാസ്താകോട്ട കായല് സംരക്ഷണത്തിന് നിയമ പ്രകാരമുളള പുതിയ അതോറിറ്റി രൂപീകരിക്കുമെന്ന് മുഖ്യമന്ത്രി ഉമ്മന് ചാണ്ടി. പഞ്ചായത്ത് അധികൃതരും ജനപ്രതിനിധികളും നാളുകളായി ആവശ്യപ്പെട്ടിരുന്നതാണിതെന്ന് അദ്ദേഹം പറഞ്ഞു. കായല് സംരക്ഷണത്തിനായി നാലിന നിര്ദ്ദേശങ്ങളാണ് സര്ക്കാര് ഉടന് നടപ്പാക്കുക ശാസ്താകോട്ട കായല് കൈകാര്യ – കര്മ പദ്ധതി കേന്ദ്ര പരിസ്ഥിതി വകുപ്പിന്റെ അനുമതിക്കായി നല്കിയിട്ടുണ്ട്. അവര് ഉന്നയിച്ച ചോദ്യങ്ങള്ക്ക് മറുപടിയും നല്കിയിട്ടുണ്ട്. താമസിയാതെ ഇതിന് അന്തിമ അനുമതി ലഭ്യമാക്കാനാണ് ശ്രമമെന്ന് മുഖ്യമന്ത്രി വ്യക്തമാക്കി. ശാസ്താകോട്ട ജലാശയത്തിന്റെ സംരക്ഷണത്തിനായി യു. എന്. ഏജന്സികളുടെ സഹകരണവും തേടും. കായല് സംരക്ഷണത്തിന്റെ ഭാഗമായി എടുക്കുന്ന വെളളത്തിന്റെ അളവു കുറയ്ക്കുന്നതിനായി പരിഗണിച്ച കല്ലട-കടപുഴയാറ്റില് നിന്നുളള ജലശേഖരണ പദ്ധതിയ്ക്ക് 19 കോടി രൂപയുടെ അനുമതി നല്കി. ഇതിന് അടുത്തയാഴ്ചയോടെ ധനവകുപ്പിന്റെ അംഗീകാരവും ലഭ്യമാകും. നാലു പദ്ധതികള് പരിഗണിച്ചതില് കല്ലടയിലെ പദ്ധതിമാത്രമാണ് പ്രായോഗികമെന്ന് പഠനത്തില് തെളിഞ്ഞതെന്നും മുഖ്യമന്ത്രി പറഞ്ഞു
ശാസ്താംകോട്ട കായല് സംരക്ഷണത്തിന് അതോറിറ്റി രൂപികരിക്കും – മുഖ്യമന്ത്രി
പുതിയ വാർത്തകൾ
Discussion about this post