തിരുവനന്തപുരം: പാര്‍വതി പുത്തനാറിലെ മൂന്നാറ്റുമുക്കുമുതല്‍ ആക്കുളം വരെയുള്ള പത്ത് കിലോമീറ്റര്‍ ഭാഗത്തെ പായലും മറ്റു മാലിന്യങ്ങളും നീക്കി നീരൊഴുക്ക് സുഗമമാക്കുന്ന പദ്ധതി ഈ മാസം 20 ന് ആരംഭിക്കും. വള്ളക്കടവില്‍, വൈകുന്നേരം 6 മണിക്ക്, ജലവിഭവവകുപ്പ് മന്ത്രി പി.ജെ. ജോസഫിന്റെ അധ്യക്ഷതയില്‍ ചേരുന്ന ചടങ്ങില്‍ മുഖ്യമന്ത്രി ഉദ്ഘാടനകര്‍മ്മം നര്‍വ്വഹിക്കും. ശ്രീവരാഹം മുക്കോലയ്ക്കല്‍ ദേവീക്ഷേത്ര പരിസരത്ത് എം.എല്‍.എ. ഫണ്ടുപയോഗിച്ച് നടപ്പിലാക്കുന്ന സിവറേജ് പദ്ധതിയുടെ നിര്‍മ്മാണോദ്ഘാടനം നിര്‍വ്വഹിച്ചുപ്രസംഗിക്കവെ മന്ത്രി വി.എസ്. ശിവകുമാറാണ് ഇക്കാര്യം അറിയിച്ചത്.
നഗരത്തില്‍ കുടിവെള്ളവിതരണവും ഡ്രെയിനേജ് സംവിധാനവും വിപുലപ്പെടുത്തുന്നതിന് കൂടുതല്‍ പദ്ധതികള്‍ ആവിഷ്‌കരിച്ച് നടപ്പിലാക്കുമെന്ന് അദ്ദേഹം പഞ്ഞു. ചടങ്ങില്‍ കൗണ്‍സിലര്‍ എസ് വിജയകുമാര്‍ അധ്യക്ഷത വഹിച്ചു. മറ്റു കൗണ്‍സിലര്‍മാരായ പി. ശശികുമാരന്‍നായര്‍, ബി. രാജേന്ദ്രന്‍, പി. പദ്മകുമാര്‍, വാട്ടര്‍ അതോറിട്ടി സിവറേജ് ഡിവിഷന്‍ അസിസ്റ്റന്റ് എക്‌സിക്യൂട്ടീവ് എഞ്ചിനീയര്‍ എ. രാജന്‍, അസിസ്റ്റന്റ് എഞ്ചിനീയര്‍ നിസ്താര്‍ അഹമ്മദ് സേട്ട്, കെക ഗോപകുമാര്‍, എം.എസ്. കണ്ണന്‍, ശ്രീവരാഹം വിജയന്‍, ബി. ചന്ദ്രശേഖരന്‍നായര്‍, ശ്യാം ശ്രീകണ്‌ഠേശ്വരം, കൈതവിളാകം രാജന്‍ എന്നിവര്‍ പ്രസംഗിച്ചു.
Discussion about this post