കൊച്ചി: പഞ്ചായത്ത് വിഭജനം ഹൈക്കോടതി ഭാഗികമായി റദ്ദാക്കി. ഒരു റവന്യൂ വില്ലേജ് രണ്ടു പഞ്ചായത്തുകളിലായി വരുന്ന വിഭജനമാണ് റദ്ദാക്കിയത്. റവന്യൂ വില്ലേജുകള് വിഭജിച്ചു കൊണ്ടുള്ള പഞ്ചായത്ത് രൂപീകരണം നിയമവിരുദ്ധമാണന്ന് ചൂണ്ടിക്കാട്ടിയാണ് ഹൈക്കോടതി ഉത്തരവ്. വിഭജനം ചോദ്യം ചെയ്ത് 48 ഓളം പഞ്ചായത്തുകള് സമര്പ്പിച്ച ഹര്ജി പരിഗണിച്ച ജസ്റ്റീസ് എ.വി. രാമകൃഷ്ണപിള്ളയാണ് ഉത്തരവ് പുറപ്പെടുവിച്ചത്.
പുതിയ 68 പഞ്ചായത്തുകളുടെ രൂപീകരണമാണ് ഈ വിധിയിലൂടെ റദ്ദാക്കപ്പെട്ടിരിക്കുന്നത്. വിഭജനം റദ്ദാക്കിയതോടെ തദ്ദേശഭരണ തെരഞ്ഞെടുപ്പ് അനിശ്ചിതത്വത്തിലായിരിക്കുകയാണ്. നിലവിലുള്ള വാര്ഡ് അടിസ്ഥാനത്തില് തെരഞ്ഞെടുപ്പ് നടത്തേണ്ടി വരും. കഴിഞ്ഞയാഴ്ച സംസ്ഥാനത്തെ നാലു നഗരസഭകളുടെ രൂപീകരണം ഹൈക്കോടതി റദ്ദാക്കിയിരുന്നു. തിരുവനന്തപുരം, കോഴിക്കോട് എന്നീ കോര്പ്പറേഷന് വാര്ഡുകള് വിഭജിച്ചുള്ള പുതിയ നഗരസഭകളുടെ രൂപീകരണമാണ് റദ്ദാക്കിയിരുന്നത്.
തദ്ദേശ സ്വയംഭരണ സ്ഥാപനങ്ങളിലെ തെരഞ്ഞെടുപ്പു ഒരു കാരണവശാലും നീട്ടിക്കൊണ്ടു പോകാനാകില്ലെന്നു മുഖ്യമന്ത്രി ഉമ്മന്ചാണ്ടി ഇന്ന് വ്യക്തമാക്കിയിരുന്നു. പഞ്ചായത്ത് തെരഞ്ഞെടുപ്പ് കൃത്യസമയത്തു നടത്തണമെന്നാണു സര്ക്കാരിന്റെ ആഗ്രഹം. ഇക്കാര്യം ചര്ച്ച ചെയ്യാന് ചൊവ്വാഴ്ച ഉന്നതതല യോഗം ചേരുമെന്നും മുഖ്യമന്ത്രി അറിയിച്ചിരുന്നു.
Discussion about this post