കൊച്ചി: ജര്മന് ഇന്ര്നാഷണല് കോര്പ്പറേഷന്റെ സാങ്കേതിക സഹകരണത്തോടെ കൊച്ചി നഗരസഭയിലെ തിരഞ്ഞെടുക്കപ്പെട്ട വാര്ഡുകളില് നടപ്പാക്കുന്ന നൂതന മലിനജല സംസ്കരണ സംവിധാനത്തെക്കുറിച്ച് കൗണ്സിലര്മാരെ പരിചയപ്പെടുത്തുന്നതിന് യോഗം സംഘടിപ്പിച്ചു.
പദ്ധതി നടപ്പാക്കുന്ന പശ്ചാത്തലം, സമീപനം, തല്സ്ഥിതി, ഭാവി തീരുമാനം തുടങ്ങിയ കാര്യങ്ങള് യോഗത്തില് വിശദീകരിച്ചു. മേയര് സൗമിനി ജയിന്റെ അധ്യക്ഷതയില് നടന്ന യോഗത്തില് ജര്മന് ഇന്ര്നാഷണല് കോര്പ്പറേഷനിലെ സാങ്കേതിക വിദഗ്ധന് ഡോ. എസാക്കി രാജ് പദ്ധതി വിശദീകരിച്ചു. പദ്ധതിയുടെ കരട് റിപ്പോര്ട്ട് ശുചിത്വ മിഷന്റെയും വാട്ടര് അതോറിറ്റിയുടെയും സഹകരണത്തോടെ കോര്പ്പറേഷന് തയാറാക്കും. റിപ്പോര്ട്ട് തയാറാക്കുന്ന വേളയില് മലിന ജലം സംഭരിക്കുന്നതിനും കൈകാര്യം ചെയ്യുന്നതിനുമുള്ള വിവിധ സാധ്യതകള് ആരായും. നീര്ത്തടങ്ങളും ദ്വീപുകളും പ്രകൃതിദത്തകൃത്രിമ ജനസ്രോതസുകളും ധാരാളമായുള്ള കൊച്ചി നഗരത്തില് മലിന ജലം ഒഴുക്കുന്നതിനുള്ള സംവിധാനം വേണ്ടത്ര കാര്യക്ഷമമല്ല. എറണാകുളം, ഫോര്ട്ടുകൊച്ചി മേഖലയുടെ 40% പ്രദേശങ്ങള്ക്കും പ്രയോജനപ്പെടുന്ന തരത്തില് രണ്ട് കേന്ദ്രീകൃത സ്വീവറേജ് സംവിധാനമാണ് ലക്ഷ്യമിടുന്നത്. പരമ്പരാഗത രീതികളില് നിന്നു മാറി മലിന ജല സംസ്കരണത്തിന് പുതിയ വഴികളാണ് പദ്ധതിയില് ഉള്പ്പെടുത്തുക. ദേശീയ നഗര ശുചിത്വ നയത്തിന്റെ ഭാഗമായി കേന്ദ്ര നഗരവികസന വകുപ്പിന്റെ സഹകരണത്തോടെയും ജര്മന് ഇന്റര്നാഷണല് കോര്പ്പറേഷന്റെയും പങ്കാളിത്തത്തോടെയാണ് പദ്ധതി നടപ്പാക്കുന്നത്. കൊച്ചിക്കായി പ്രത്യേക നഗര ശുചിത്വ പദ്ധതിയും തയാറാക്കുന്നുണ്ട്.
കോര്പ്പറേഷന് സെക്രട്ടറി അമിത് മീണ, അഡീഷണല് സെക്രട്ടറി അനുജ, ക്ഷേമകാര്യ സമതി അധ്യക്ഷന് എ.ബി സാബു, പൊതുമരാമത്ത് സമതി അധ്യക്ഷന് പി.എം. ഹാരിസ്, വികസനകാര്യ സമിതി അധ്യക്ഷ ഗ്രേസി ജോസഫ്, നഗരാസൂത്രണ സമിതി അധ്യക്ഷ ഷൈനി മാത്യു, എക്സിക്യൂട്ടീവ് എന്ജിനീയര് ഗിരിജ, കൗണ്സിലര്മാര്, ഉദ്യോഗസ്ഥര് തുടങ്ങിയവര് പങ്കെടുത്തു.
Discussion about this post