ശബരിമല: ചെണ്ടമേളത്തിന്റെ ഗാംഭീര്യവും ശബ്ദസൗകുമാര്യവും കാലാതീതമായി ഒത്തിണങ്ങിയ പഞ്ചാരിമേളം ഇന്നലെ അയ്യപ്പന്റെ തിരുസിധിയില് ധനുമാസരാവിനെ പ്രകമ്പനം കൊള്ളിച്ചു. പേരുകേട്ട തൃശ്ശൂര് തിരുവമ്പാടിയിലെ മേളപ്രമാണി ചെറുശ്ശേരി കുട്ടന്മാരാരുടെ നേതൃത്വത്തിലുള്ള സംഘമാണ് പഞ്ചാരിമേളം അവതരിപ്പിച്ചത്. തൃശൂര് പൂരത്തിന് മഠത്തിലേക്കുള്ള വരവിന്റെ പ്രമാണിയാണ്. തന്ത്രി കണ്ഠര് മോഹനര്, മേല്ശാന്തി ടി.എം. ഉണ്ണികൃഷ്ണന് നമ്പൂതിരി എിവര് ചേര്ന്ന് ദീപം തെളിച്ചുകൊണ്ടാണ് മേളത്തിന് തുടക്കമിട്ടത്. പതികാലത്തില് തുടങ്ങി ചെമ്പടയിലേക്ക് കടന്ന് തിരുകലാശത്തോടെയാണ് മേളം അവസാനിപ്പിച്ചത്. ഇരിങ്ങാലക്കുട കൂടല്മാണിക്യക്ഷേത്രം, തൃപ്പൂണിത്തുറ പൂര്ണത്രയീശക്ഷേത്രം എിവിടങ്ങളിലെ മേളപ്രമാണിയാണ് ചെറുശ്ശേരി കുട്ടന്മാരാര്. 102 പേരാണ് ഇദ്ദേഹത്തോടൊപ്പം മേളത്തില് അണിചേര്ന്നത്. കൊമ്പത്ത് അനില് കുഴലിന്റെ പ്രമാണിയായപ്പോള് തൃക്കൂര് സജി കൊമ്പിന്റെ പ്രമാണിയായി. മേളം അയ്യപ്പന്മാരുടെ മനം കവര്ന്നു.
ശബരിമല: തിരുമുറ്റത്ത് പഞ്ചാരിയുടെ ലയം
പുതിയ വാർത്തകൾ
Discussion about this post