തിരുവനന്തപുരം: ജല അതോറിറ്റിയുടെ ശുദ്ധജല പദ്ധതികള്ക്കായി ജലസ്രോതസ്സുകളില് ജലലഭ്യത ഉറപ്പാക്കുന്നതിനുളള തടയണ നിര്മ്മാണം, ജലവിതരണ പദ്ധതികളുടെ പൂര്ത്തീകരണം, കുടിവെളള പദ്ധതികള് ഇല്ലാത്ത വാര്ഡുകളില് കുഴല് കിണര് ഹാന്റ് പമ്പ് റിപ്പയര് എന്നിവ ഈ മാസം തന്നെ പൂര്ത്തിയാക്കുന്നതിന് ജലവിഭവ മന്ത്രി നിര്ദ്ദേശം നല്കി. ജല ദുര്വിനിയോഗം കുറയ്ക്കുന്നതിനുളള ബോധവത്കരണ പരിപാടികള് ആവിഷ്കരിക്കുന്നതിനും വരള്ച്ചാപ്രതിരോധ പ്രവര്ത്തനങ്ങളുടെ പുരോഗതി വിലയിരുത്തുന്നതിന് ചേര്ന്ന ദക്ഷിണ മേഖലയിലെ ഉന്നതോദ്യോഗസ്ഥരുടെ യോഗത്തിലാണ് മന്ത്രി നിര്ദ്ദേശം നല്കിയത്.
തൃശ്ശൂര് , മലപ്പുറം പാലക്കാട് ജില്ലകളുടെ അവലോകന യോഗം ഫെബ്രുവരി ആറിന് തൃശ്ശൂര് രാമനിലയത്തില് ചേരും. യോഗത്തില് ജലവിഭവ വകുപ്പ് അഡീഷണല് ചീഫ് സെക്രട്ടറി വി.ജെ. കുര്യന്, സെക്രട്ടറി ടിങ്കു ബിസ്വാള്, വാട്ടര് അതോറിറ്റി എം.ഡി ഷൈനാമോള്, ജലസേചന വകുപ്പ് ചീഫ് എഞ്ചിനീയര്മാരായ വി.കെ. മഹാനുദേവന്, ജോഷി, ഭൂജലവകുപ്പ് ഡയറക്ടര് ജയിംസ് ജോസ്, തിരുവനന്തപുരം, കൊല്ലം, പത്തനംതിട്ട ജില്ലകളിലെ വാട്ടര് അതോറിറ്റി, ജലസേചന വകുപ്പ് ഉദ്യോഗസ്ഥരും പങ്കെടുത്തു.
Discussion about this post