തിരുവനന്തപുരം: കോഴിക്കോട് ജില്ലയില് കര്ഷകന് ആത്മഹത്യ ചെയ്ത ചെമ്പനോട് വില്ലേജ് ഓഫീസില് റവന്യൂ അഡീഷണല് ചീഫ് സെക്രട്ടറി പി.എച്ച്. കുര്യന് ഇന്ന് തെളിവെടുപ്പ് നടത്തി. കര്ഷക ആത്മഹത്യയുമായി ബന്ധപ്പെട്ട് ഉന്നയിക്കപ്പെട്ട ആരോപണങ്ങളുടെ നിജസ്ഥിതി അദ്ദേഹം പരിശോധിച്ചു. പരാതിക്ക് അടിസ്ഥാനമായ വില്ലേജ് ഓഫീസിലെ രേഖകളും ഈ ഓഫീസിന്റെ പ്രവര്ത്തനം അറിയാന് ഉപകരിക്കുന്ന മുന്ഫയലുകളും അഡീഷണല് ചീഫ് സെക്രട്ടറി പരിശോധിക്കുകയും പകര്പ്പെടുക്കുകയും ചെയ്തു.
പരാതികളുമായി എത്തിയ എല്ലാവരേയും നേരില്ക്കണ്ട അദ്ദേഹം അവരുടെ പരാതികള് സ്വീകരിച്ചു. തുടര്ന്ന്, മരണമടഞ്ഞ ജോയിയുടെ വീട്ടിലെത്തി ബന്ധുക്കളെ ആശ്വസിപ്പിച്ചു. മരണമടഞ്ഞ ജോയിയുടേതിന് സമാനമായ ഭൂമി സംബന്ധിച്ച കേസുകള് ലാന്റ് ട്രിബ്യൂണലില് പരിഗണിക്കാന് അദ്ദേഹം നിര്ദ്ദേശം നല്കി.
നാട്ടുകാരെ ബുദ്ധിമുട്ടിക്കാതെ വില്ലേജുകള് പഞ്ചായത്തുതലത്തില് ചേര്ന്ന്/ ലാന്റ് ട്രിബ്യൂണല് അദാലത്തുകള് സംഘടിപ്പിക്കണം. ഇത്തരം അപേക്ഷകളില് കാലവിളംബമില്ലാതെ തീര്പ്പുകല്പിക്കാന് അദ്ദേഹം ജില്ലാ കളക്ടര്ക്ക് നിര്ദ്ദേശം നല്കി. തുടര്ന്ന് കോഴിക്കോട് കളക്ടറേറ്റിലെത്തിയ അഡീഷണല് ചീഫ് സെക്രട്ടറി ജില്ലയിലെ ഡെപ്യൂട്ടി തഹസില്ദാര്മാര് മുതല് മേലോട്ടുളള റവന്യൂ ഉദ്യോഗസ്ഥരെ വിളിച്ചു വരുത്തി പ്രത്യേക അവലോകനവും നടത്തി.
