തിരുവനന്തപുരം : ആര്എസ്എസ് പ്രവര്ത്തകന് രാജേഷ് കൊല്ലപ്പെട്ടതിനു പിന്നാലെ മുന്കരുതലുമായി പൊലീസ്. പ്രകോപനപരമായ സന്ദേശങ്ങള് പ്രചരിപ്പിച്ചാല് കര്ശന നടപടികളുണ്ടാകുമെന്നു പൊലീസ് മുന്നറിയിപ്പു നല്കി. സമൂഹമാധ്യമങ്ങളിലെ ഇത്തരം നടപടികള് നിരീക്ഷണത്തിലാണ്. രാജേഷിന്റെ കൊലപാതക ദൃശ്യങ്ങളെന്ന പേരില് പ്രചരിക്കുന്ന വിഡിയോയും സന്ദേശങ്ങളും വ്യാജമാണെന്നും പൊലീസ് വ്യക്തമാക്കി. ഇത്തരം സന്ദേശങ്ങള് പ്രചരിപ്പിക്കുന്നവര്ക്കെതിരെയും കര്ശന നടപടിയുണ്ടാകും.
അതേസമയം, സംഘര്ഷാവസ്ഥ തുടരുന്ന തിരുവനന്തപുരത്ത് മൂന്നു ദിവസത്തേക്കുകൂടി പ്രകടനങ്ങള് തടഞ്ഞു. കേരള പൊലീസ് ആക്ട് പ്രകാരമാണു നടപടി. തലസ്ഥാനത്തു പൊലീസ് കനത്ത ജാഗ്രത തുടരുകയാണ്. നഗരത്തില് നിലവിലുള്ള സുരക്ഷാക്രമീകരണങ്ങള് തുടരും. രാത്രികാല പട്രോളിങ്ങും ശക്തമാക്കി.
ഇന്നലെ രാത്രി ബൈക്കിലും ഓട്ടോയിലുമെത്തിയ സിപിഎം, ഡിവൈഎഫ്ഐ ഗുണ്ടകളായ മണിക്കുട്ടന്റെ നേതൃത്വത്തില് പ്രജീത്ത്, എബി, സിബി, അഖില് എന്നിവരടങ്ങുന്ന സംഘമാണ് രാജേഷിനെ ആക്രമിച്ചത്. സ്ഥലത്ത് ഭീകാരാന്തരീക്ഷം സൃഷ്ടിച്ചശേഷം അക്രമിസംഘം രാജേഷിനെ വെട്ടുകയായിരുന്നു.
Discussion about this post