സന്നിധാനം: ശബരിമലയെ വിവാദ ഭൂമിയാക്കരുതെന്ന് പ്രതിപക്ഷ നേതാവ് രമേശ് ചെന്നിത്തല. പുതിയ ഭരണസമിതി വരുമ്പോള്‍ ഉണ്ടാകുന്ന ക്ഷേത്രത്തിന്റെ പേരു മാറ്റത്തില്‍ അവ്യക്തതയുണ്ട്. ക്ഷേത്രത്തിലെ ആചാരങ്ങളും അനുഷാനങ്ങളും നില നിര്‍ത്തി മുന്നോട്ടു പോകണം. ശബരിമലയുടെ സമഗ്ര വികസനത്തിനായി കേന്ദ്രം 500 കോടി രൂപ അനുവദിക്കണം.
അടിസ്ഥാന സൗകര്യം ഒരുക്കാന്‍ വനഭൂമി വിട്ടു നല്‍കണമെന്നാവശ്യപ്പെട്ട് യുഡിഎഫ് കേന്ദ്ര സര്‍ക്കാരിന് നിവേദനം നല്‍കുമെന്നും രമേശ് ചെന്നിത്തല ശബരിമലയില്‍ പറഞ്ഞു.
കഴിഞ്ഞ ദിവസമാണ് ശബരിമലയുടെ പേര് മാറ്റാന്‍ ദേവസ്വം ബോര്‍ഡ് തീരുമാനിച്ചത്. കഴിഞ്ഞ ബോര്‍ഡിന്റെ കാലത്ത് ശബരിമലയുടെ പേര് ശബരിമല ശ്രീ അയ്യപ്പ ക്ഷേത്രം എന്നാക്കിയിരുന്നു. ഇതാണ് ഇപ്പോള്‍ പഴയ പേരായ ശബരിമല ശ്രീ ധര്‍മ്മശാസ്താ ക്ഷേത്രം എന്നുമാറ്റിയത്.
Discussion about this post