ന്യൂഡല്ഹി: വിവാദം സൃഷ്ടിച്ച ഐ.എസ്.ആര്.ഒ. ചാരക്കേസില് ബഹിരാകാശ ശാസ്ത്രജ്ഞന് നമ്പി നാരായണന് 50 ലക്ഷം രൂപ നഷ്ടപരിഹാരം നല്കണമെന്ന് സുപ്രീംകോടതി വിധിച്ചു. നഷ്ടപരിഹാര തുക ഉദ്യോഗസ്ഥരില് നിന്ന് ഈടാക്കണമെന്നും ഉത്തരവില് പറയുന്നു. ചാരക്കേസ് അന്വേഷിച്ച മുന് ഡി.ജി.പി. സിബി മാത്യൂസ്, മുന് എസ്.പി.മാരായ കെ.കെ. ജോഷ്വ, എസ്. വിജയന് എന്നിവര്ക്കെതിരേ നടപടിവേണമെന്നാവശ്യപ്പെട്ട് നമ്പി നാരായണന് സമര്പ്പിച്ച ഹര്ജിയില് വിധി പറയുകയായിരുന്നു സുപ്രീംകോടതി.
നമ്പി നാരായണനെ അനാവശ്യമായി കസ്റ്റഡിയിലെടുത്തതാണെന്നു കണ്ടെത്തിയ കോടതി ഇതിലെ ഗൂഢാലോചന അന്വേഷിക്കാന് മുന് ജഡ്ജി ഡി.കെ ജയിന് അധ്യക്ഷനായ സമിതിയേയും നിയോഗിച്ചു.
Discussion about this post