കൊച്ചി: പി.വി അന്വറിന്റെ ഭാര്യയുടെ ഉടമസ്ഥതയിലുള്ള തടയണ പൊളിച്ച് അതിലെ വെള്ളം മുഴുവന് ഒഴുക്കി കളയണമെന്ന് ഹൈക്കോടതി ഉത്തരവിട്ടു. തുടര്ച്ചയായി ഉരുള്പൊട്ടലും മണ്ണിടിച്ചിലുമുണ്ടായ സാഹചര്യം ചൂണ്ടിക്കാട്ടി സമര്പ്പിച്ച ഹര്ജിയിലാണ് ഹൈക്കോടതിയുടെ ഉത്തരവ്.
ഇത്രയേറെ ദുരന്തങ്ങളുണ്ടായിട്ടും എന്തുകൊണ്ട് നാം പാഠം പഠിക്കുന്നില്ലെന്ന് കോടതി ചോദിച്ചു. തടയണ നിര്മ്മിച്ചവര് തന്നെ അതു പൊളിച്ചു കളയുന്നതിനുള്ള ചിലവ് വഹിക്കണമെന്നും ഉത്തരവിട്ടു. തടയണ സ്ഥിതി ചെയ്യുന്നതിന് പത്ത് കിലോമീറ്റര് അപ്പുറത്താണ് ഇത്തവണ കേരളത്തെ ഞെട്ടിച്ച ദുരന്തമുണ്ടായതെന്ന് ഹര്ജിക്കാര് കോടതിയെ ബോധിപ്പിച്ചു. കൂടാതെ ഈ മണ്സൂണ് സീസണില് തന്നെ ജില്ലാ കളക്ടറുടെ നേതൃത്വത്തില് തടയണ നില്ക്കുന്ന മേഖലയില് പരിശോധന നടത്തണമെന്നും കോടതി നിര്ദേശിച്ചു. ഖനനവകുപ്പിലേയും ജലസേചന വകുപ്പിലേയും ഉദ്യോഗസ്ഥര് പരിശോധയില് പങ്കാളികളാവണമെന്നും കോടതി നിര്ദേശിച്ചു.
Discussion about this post