തിരുവനന്തപുരം: അടുത്ത വര്ഷത്തോടെ അഞ്ച് ലക്ഷം ക്വിന്റല് കയര് ഉത്പാദിപ്പിക്കുകയാണ് ലക്ഷ്യമെന്ന് ധനമന്ത്രി ഡോ. ടി. എം. തോമസ് ഐസക്ക് പറഞ്ഞു. കയര്ഫെഡിന്റെ ഓണം മെഗാ ഫെയര് ഉദ്ഘാടനം ചെയ്യുകയായിരുന്നു അദ്ദേഹം.
പതിനഞ്ച് കോടി തൊണ്ട് മാത്രമാണ് ചകിരിയാകുന്നത്. മലബാര് മേഖലയില് മില്ലുകള് സ്ഥാപിച്ച് കൂടുതല് ചകിരി ഉത്പാദിപ്പിക്കും. കയര് വ്യവസായത്തെ നല്ല ശമ്പളം കിട്ടുന്ന ഫാക്ടറി വ്യവസായമാക്കി മാറ്റേണ്ടതുണ്ട്. മുമ്പ് തമിഴ്നാട്ടില് നിന്നായിരുന്നു ആവശ്യത്തിനുള്ള ചകിരി വാങ്ങിയിരുന്നത്. ഇന്ന് 60 ശതമാനം ചകിരിയും കേരളത്തില് നിന്നാണ് കയര്ഫെഡ് സംഭരിക്കുന്നത്. ജിയോ ടെക്സ്റ്റൈല് ഉത്പാദനത്തിന് കയര് ഉപയോഗിക്കാം. മണ്ണിനെ പിടിച്ചു നിര്ത്താനുള്ള കഴിവ് ഇതിനുണ്ട്. റോഡ് നിര്മാണത്തിനും കയര് മാറ്റ് ഉപയോഗിക്കാമെന്ന് പൊതുമരാമത്ത് മന്ത്രി പറഞ്ഞിട്ടുണ്ട്. 50 കടകളാണ് പുതിയതായി ആരംഭിച്ചിരിക്കുന്നതെന്ന് മന്ത്രി പറഞ്ഞു.
എ. ബി. സി വൈസ് ചെയര്മാന് ആനത്തലവട്ടം ആനന്ദന് അധ്യക്ഷത വഹിച്ചു. കയര് വകുപ്പ് സെക്രട്ടറി പി. വേണുഗോപാല് ഇന്സ്റ്റാള്മെന്റ് സ്കീം ഉദ്ഘാടനം ചെയ്തു. കയര് വികസന ഡയറക്ടര് എന്. പത്മകുമാര് മെഗാ ഡിസ്കൗണ്ട് വില്പന ഉദ്ഘാടനം ചെയ്തു. കയര്ഫെഡ് പ്രസിഡന്റ് അഡ്വ. എന്. സായികുമാര്, കൗണ്സിലര് ഐഷ ബക്കര്, ഭരണസമിതിയംഗങ്ങള് തുടങ്ങിയവര് പങ്കെടുത്തു.
Discussion about this post