തിരുവനന്തപുരം: ജഗദ്ഗുരു സ്വാമി സത്യാനന്ദസരസ്വതി തൃപ്പാദങ്ങളുടെ 84-ാം ജയന്തി-വിശ്വശാന്തി ദ്വാദശാഹയജ്ഞത്തിന്റെ ഭാഗമായ ശ്രീസത്യാനന്ദഗുരു സമീക്ഷ(ജയന്തി മഹാസമ്മേളനം) സെപ്റ്റംബര് 23ന് വൈകുന്നേരം 6ന് കിഴക്കേകോട്ട അഭേദാശ്രമത്തില് നടക്കും. ശ്രീരാമദാസ മിഷന് അദ്ധ്യക്ഷന് സ്വാമി ബ്രഹ്മപാദാനന്ദ സരസ്വതി സമ്മേളനത്തില് അദ്ധ്യക്ഷനായിരിക്കും. ഇന്സ്പയേഴ്സ് ഡയറക്ടര് ഡോ.പൂജപ്പുര കൃഷ്ണന്നായര് ‘രാമദൂതുമായി വന്ന ജഗദ്ഗുരു’ എന്ന പ്രബന്ധം അവതരിപ്പിക്കും. പി.ഐ.ബി മുന് ഡയറക്ടര് കെ.എല് ശ്രീകൃഷ്ണദാസ്, എസ്.ആര്.ഡി.എം.യു.എസ് അദ്ധ്യക്ഷന് എസ്.കിഷോര്കുമാര്, എസ്.ആര്.ഡി.എം.യു.എസ് ജനറല് സെക്രട്ടറി ഉണ്ണികൃഷ്ണന് മംഗലശ്ശേരി തുടങ്ങിയവര് സംസാരിക്കും.
ഒക്ടോബര് 24ന് ജയന്തി ദിനത്തില് ശ്രീരാമദാസ ആശ്രമത്തിലെ ജ്യോതിക്ഷേത്രത്തില് രാവിലെ ആരാധനയോടുകൂടി ചടങ്ങുകള് ആരംഭിക്കും. തുടര്ന്ന് അഹോരാത്ര ശ്രീരാമായണ പാരായണം, ലക്ഷാര്ച്ചന, കഞ്ഞിസദ്യ, അമൃതഭോജനം, ചെണ്ടമേളം, ഭജന എന്നിവ നടക്കും. ശ്രീരാമദാസമിഷന് അദ്ധ്യക്ഷന് സ്വാമി ബ്രഹ്മപാദാനന്ദ സരസ്വതി ചടങ്ങുകള്ക്ക് മുഖ്യ കാര്മ്മികത്വം വഹിക്കും. 25-ാം തീയതി രാവിലെ 3.30ന് ശ്രീരാമപട്ടാഭിഷേകത്തോടുകൂടി ജയന്തി ആഘോഷപരിപാടികള് സമാപിക്കും.
Discussion about this post