തിരുവനന്തപുരം : അന്തരിച്ച ആര്‍.എസ്.എസ് താത്ത്വികാചാര്യന്‍ പരമേശ്വര്‍ജിയ്ക്ക് ആദരാഞ്ജലികള്‍ അര്‍പ്പിച്ച് മുഖ്യമന്ത്രി പിണറായി വിജയന്‍ . അഗാധമായ പാണ്ഡിത്യത്തോടെ ഋഷി തുല്യമായ ജീവിതം നയിച്ചയാളാണ് പി പരമേശ്വരനെന്ന് മുഖ്യമന്ത്രി ചൂണ്ടിക്കാട്ടി.
മൂല്യങ്ങളുടെ കാവല്‍ക്കാരനെയാണ് രാജ്യത്തിനു നഷ്ടമായതെന്ന് മിസോറം ഗവര്‍ണര്‍ പി.എസ്. ശ്രീധരന്‍ പിള്ള പറഞ്ഞു. സാമൂഹിക-രാഷ്ട്രീയ മണ്ഡലങ്ങളില്‍ മൂല്യത്തകര്‍ച്ച സംഭവിച്ചുകൊണ്ടിരിക്കുന്ന കാലഘട്ടത്തില്‍ ധാര്‍മിക മൂല്യങ്ങളുടെയും തത്വാധിഷ്ഠിത രാഷ്ട്രീയപ്രവര്‍ത്തനത്തിന്റെയും ജീവിക്കുന്ന മാതൃകയായിരുന്നു തന്നെ സംബന്ധിച്ചിടത്തോളം പി. പരമേശ്വര്‍ജിയെന്നും അദ്ദേഹം അനുസ്മരിച്ചു.
പ്രതിപക്ഷ നേതാവ് രമേശ് ചെന്നിത്തല , മന്ത്രി കടന്നപ്പള്ളി രാമചന്ദ്രന്‍ , കൊളത്തൂര്‍ അദ്വൈതാശ്രമം മഠാധിപതി സ്വാമി ചിദാനന്ദപുരി, മാതാ അമൃതാനന്ദമയി മഠം ജനറല്‍ സെക്രട്ടറി സ്വാമി പൂര്‍ണ്ണാമൃതാനന്ദപുരി, ആര്‍എസ്എസ് മുന്‍ അഖില ഭാരതീയ ബൗദ്ധിക് പ്രമുഖ് ആര്‍. ഹരി , ഹിന്ദു ഐക്യവേദി സംസ്ഥാന അധ്യക്ഷ കെ.പി. ശശികല ടീച്ചര്‍, ഹൈബി ഈഡന്‍ എംപി, എംഎല്‍എമാരായ ഒ രാജഗോപാല്‍ ,ടി.ജെ. വിനോദ്, എസ്. ശര്‍മ, കോണ്‍ഗ്രസ് നേതാക്കളായ കെ.വി. തോമസ്, ഡൊമിനിക് പ്രസന്റേഷന്‍, കെ.ബാബു, ദീപ്തി മേരി വര്‍ഗീസ്, എന്‍. വേണുഗോപാല്‍, മഹിളാ കോണ്‍ഗ്രസ് സംസ്ഥാന പ്രസിഡന്റ് ലതിക സുഭാഷ്, സിപിഎം നേതാക്കളായ എം.എം.ലോറന്‍സ്, പി. രാജീവ്, സിപിഐ നേതാക്കളായ ബിനോയ് വിശ്വം, പി. രാജു, പിഎസ്സി മുന്‍ ചെയര്‍മാന്‍ ഡോ.കെ.എസ്. രാധാകൃഷ്ണന്‍, ലതിക സുഭാഷ്, ആര്‍എസ്പി നേതാവ്, കെ. രജികുമാര്‍, ജസ്റ്റിസ് ബാബു മാത്യു പി. ജോസഫ്,കവി എസ്. രമേശന്‍ നായര്‍, കൈതപ്രം ദാമോദരന്‍ നമ്പൂതിരി, ജസ്റ്റിസ് കെ. നാരായണകുറുപ്പ്, ജസ്റ്റിസ് എന്‍. നഗരേഷ്, ജസ്റ്റിസ് പി.എസ്. ഗോപിനാഥന്‍ എന്നിവരും പരമേശ്വര്‍ജിയ്ക്ക് ആദരാഞ്ജലികള്‍ അര്‍പ്പിച്ചു .
Discussion about this post