തിരുവനന്തപുരം: അമിത വില ഈടാക്കുകയും മറ്റ് നിയമ ലംഘനങ്ങള് നടത്തുകയും ചെയ്ത 210 കടകള്ക്കെതിരെ ലീഗല് മെട്രോളജി വകുപ്പ് കേസ് രജിസ്റ്റര് ചെയ്തു. മാര്ച്ച് 21 മുതല് കഴിഞ്ഞ ദിവസം വരെ 532 പരാതികളാണ് ലഭിച്ചത്.
കുപ്പിവെള്ളം, സാനിറ്റൈസര്, മുഖാവരണം, പായ്ക്ക് ചെയ്ത ഉല്പ്പന്നങ്ങള് തുടങ്ങിയവയ്ക്ക് അധിക വില ഈടാക്കുന്നതായും ലീഗല് മെട്രോളജി നിയമങ്ങള് ലംഘിക്കുന്നതായുമുള്ള പരാതികളുമായി ബന്ധപ്പെട്ട് മാര്ജിന് ഫ്രീമാര്ക്കറ്റുകള്, പ്രൊവിഷന് സ്റ്റോറുകള്, പച്ചക്കറി കടകള്, മെഡിക്കല് സ്റ്റോറുകള്, റേഷന് കടകള് തുടങ്ങിയ മേഖലകള് കേന്ദ്രീകരിച്ച് 3408 പരിശോധനകളാണ് നടത്തിയത്. എട്ട് ലക്ഷത്തി പതിനെണ്ണായിരം രൂപ പിഴ ഈടാക്കി.
വിവിധ ജില്ലകളില് തനതായ പരിശോധനകള്ക്ക് പുറമേ വിജിലന്സ്, സിവില് സപ്ലൈസ് ഉദ്യോഗസ്ഥരുമായി ചേര്ന്നുള്ള സംയുക്ത പരിശോധനകളിലും ലീഗല് മെട്രോളജി ഉദ്യോഗസ്ഥര് പങ്കെടുത്തു. 39 റേഷന് കടകള് ഉള്പ്പെടെ 198 കടകളില് ഇന്ന് പരിശോധന നടത്തി. 19 കേസുകള് രജിസ്റ്റര് ചെയ്തു. ഉപഭോക്താക്കള്ക്ക് കണ്ട്രോള് റൂമിലും 1800 425 4835 എന്ന ടോള് ഫ്രീ നമ്പരിലും സുതാര്യം എന്ന മൊബൈല് ആപ്ലിക്കേഷനിലും lmd.kerala.gov.in എന്ന വെബ്സൈറ്റിലും പരാതികള് അറിയിക്കാവുന്നതാണെന്ന് ലീഗല് മെട്രോളജി കണ്ട്രോളര് അറിയിച്ചു.
Discussion about this post