തിരുവനന്തപുരം: സംയുക്ത ട്രേഡ് യൂണിയന് ആഹ്വാനം ചെയ്ത പൊതുപണിമുടക്ക് രണ്ടാം ദിനവും തുടരുന്നു. കെഎസ്ആര്ടി ഇന്നും നിരത്തിലിറങ്ങിയില്ല. പാലക്കാട് കഞ്ചിക്കോട് കിന്ഫ്രയില് ജോലിക്കെത്തിയവരെ സിഐടിയു പ്രവര്ത്തകര് തടഞ്ഞു.
സംസ്ഥാനത്തെ ഭൂരിഭാഗം പെട്രോള് പമ്പുകളും അടഞ്ഞാണ് കിടക്കുന്നത്. അതേസമയം, സംസ്ഥാനത്ത് ഇന്ന് കൂടുതല് വ്യാപാര സ്ഥാപനങ്ങള് തുറന്നു പ്രവര്ത്തിക്കുമെന്നു കേരള വ്യാപാരി വ്യവസായി ഏകോപന സമിതി അറിയിച്ചു. എന്നാല്, ഈ തീരുമാനത്തിനെതിരെ സിഐടിയു രംഗത്തെത്തി.
ബിഎംസ് ഒഴികെ ഇരുപതോളം തൊഴിലാളി സംഘടനകളാണ് പണിമുടക്കുന്നത്. തൊഴില് കോഡ് റദ്ദാക്കുക, സ്വകാര്യവല്ക്കരണവും സര്ക്കാര് ആസ്തി വിറ്റഴിക്കല് പദ്ധതിയും നിര്ത്തിവയ്ക്കുക, കൃഷി, വിദ്യാഭ്യാസം, ആരോഗ്യം എന്നീ മേഖലകളിലെ സര്ക്കാര് നിക്ഷേപം വര്ധിപ്പിക്കുക, തൊഴിലുറപ്പ് പദ്ധതി വിഹിതം ഉയര്ത്തുക തുടങ്ങിയ ആവശ്യങ്ങള് ഉന്നയിച്ചാണ് പണിമുടക്ക്.
Discussion about this post