കോഴിക്കോട്: കോഴിക്കോട് കോടഞ്ചേരിയില് കാട്ടുപന്നിയെ വെടിവച്ചു കൊന്നു. ഞാളിയത്ത് യോഹന്നാന്റെ കൃഷിയിടത്തില് ഇറങ്ങിയ പന്നിയെയാണ് വെടിവച്ച് കൊന്നത്.
സര്ക്കാര് ഉത്തരവിന് ശേഷം ആദ്യമായി പഞ്ചായത്തിന്റെ അനുമതിയോടെയാണ് നടപടി ക്രമങ്ങള് ചെയ്തത്. തോക്ക് ലൈസന്സുള്ള രാജു എന്നയാളാണ് പന്നിയെ വെടിവച്ചത്. മേഖലയില് കനത്ത കാട്ടുപന്നി ശല്യമായിരുന്നുവെന്ന് പ്രദേശവാസികള് പറഞ്ഞു.
ജനവാസമേഖലകളില് ഇറങ്ങുന്ന കാട്ടുപന്നികളെ വെടിവയ്ക്കാന് തദ്ദേശ സ്ഥാപനങ്ങള്ക്ക് സര്ക്കാര് അധികാരം നല്കിയിരുന്നു. ജനങ്ങളുടെ ജീവനും സ്വത്തിനും നാശം വരുത്തുന്ന കാട്ടുപന്നികളെ അനുയോജ്യമായ മാര്ഗത്തിലൂടെ കൊല്ലാന് ഗ്രാമപഞ്ചായത്ത്, മുനിസിപ്പാലിറ്റി, കോര്പ്പറേഷന് തലവന്മാര്ക്കാണ് അധികാരം നല്കിയത്.
എന്നാല്, വിഷപ്രയോഗത്തിലൂടെയോ ഷോക്കേല്പ്പിച്ചോ സ്ഫോടകവ്സതുക്കള് ഉപയോഗിച്ചോ കാട്ടുപന്നികളെ കൊല്ലാനാകില്ല. സംസ്ഥാനത്ത് ജനവാസ മേഖലകളില് കാട്ടുപന്നി ശല്യം രൂക്ഷമായതിനെ തുടര്ന്നാണ് സര്ക്കാര് നിര്ണായക തീരുമാനമെടുത്തത്.
Discussion about this post