കൊച്ചി: നടിയെ ആക്രമിച്ച കേസില് തുടരന്വേഷണത്തിന് ഒന്നരമാസം കൂടി സമയം അനുവദിച്ച് ഹൈക്കോടതി. സമയം നീട്ടി നല്കണമെന്ന പ്രോസിക്യൂഷന്റെ ഹര്ജിയിലാണ് ഹൈക്കോടതി വിധി.
ഡിജിറ്റല് രേഖകളും ശബ്ദശകലങ്ങളുമടക്കം പരിശോധിക്കാന് കൂടുതല് സമയം വേണമെന്നാണ് പ്രോസിക്യൂഷന് ഡയറക്ടര് ജനറല് ടി.എ. ഷാജി കോടതിയില് അറിയിച്ചത്. നടന് ദിലീപിന്റെ എതിര്പ്പ് അവഗണിച്ചാണ് ഹൈക്കോടതി തുടരന്വേഷണത്തിന് വീണ്ടും സമയം അനുവദിച്ചത്.
തുടരന്വേഷണത്തിന് ഒരു ദിവസം പോലും കൂട്ടി നല്കരുതെന്ന് ദിലീപ് ആവശ്യപ്പെട്ടിരുന്നു. സമയം കൂടുതല് ചോദിച്ച് വിചാരണ തടസപ്പെടുത്താനാണ് നീക്കമെന്നും ദിലീപ് ആരോപിച്ചിരുന്നു.
തുടരന്വേഷണ റിപ്പോര്ട്ട് വിചാരണക്കോടതിയില് സമര്പ്പിക്കാന് ഹൈക്കോടതി അനുവദിച്ച സമയം മെയ് 30ന് അവസാനിച്ചതിനാലാണ് പ്രോസിക്യൂഷന് കൂടുതല് സമയം തേടിയത്.
Discussion about this post