തിരുവനന്തപുരം: രാമായണ മാസാചരണത്തോടനുബന്ധിച്ചു ജടായുരാമ ട്രസ്റ്റിന്റെ ആഭിമുഖ്യത്തില് നടക്കുന്ന വിവിധ പരിപാടികള് ജൂലൈ 17 ന് ആരംഭിക്കും. വെള്ളയമ്പലം ജവഹര് ബാലഭവനില് നടക്കുന്ന ചടങ്ങില് കേരള ഗവര്ണര് ആരിഫ് മുഹമ്മദ് ഖാന് ഉദ്ഘാടനം ചെയ്യും. സ്ത്രീസുരക്ഷയ്ക്ക് വേണ്ടി പ്രവര്ത്തിച്ച കുസുമകുമാരിക്ക് വീര ജടായു പുരസ്കാരം തെലുങ്കാന ഗവര്ണര് തമിഴിസൈ സൗന്ദരരാജന് സമ്മാനിക്കും.
സ്ത്രീസുരക്ഷയ്ക്ക് വേണ്ടി സ്വന്തം ജീവന് ബലികൊടുത്ത ജടായുവിന്റെ ധീര സാഹസിക പോരാട്ടത്തെ സ്മരിച്ചുകൊണ്ട് വൈകുന്നേരം 4:30 ന് ആഘോഷ പരിപാടികള് ആരംഭിക്കും. ശീര്ഷകഗാനം, തിരുവാതിരക്കളി, ഭരതനാട്യം, കുത്തിയോട്ടം തുടങ്ങിയ കലാപരിപാടികളിലൂടെ അവതരിപ്പിക്കും.
ഡോ.സി.വി.ആനന്ദ ബോസ് അദ്ധ്യക്ഷത വഹിക്കുന്ന ഉദ്ഘാടന സമ്മേളനത്തില് ചേങ്കോട്ടുകോണം ശ്രീരാമദാസ ആശ്രമം അദ്ധ്യക്ഷന് സ്വാമി ബ്രഹ്മപാദാനന്ദ സരസ്വതി, ശാസ്തമംഗലം ശ്രീരാമകൃഷ്ണ ആശ്രമം അദ്ധ്യക്ഷന് സ്വാമി മോക്ഷവ്രതാനന്ദ, ആര്ക്കിടെക്ട് ബി ആര് അജിത്, മുന് മിസോറാം ഗവര്ണര് കുമ്മനം രാജശേഖരന് തുടങ്ങിയവര് സംസാരിക്കും. രാമപാദ ഗാനത്തെ കുത്തിയോട്ടത്തിന്റെ കുമ്മിയായി അവതരിപ്പിക്കുന്ന ചെട്ടികുളങ്ങര വിജയരാഘവ കുറുപ്പ്, അമ്പതിലേറെ വര്ഷക്കാലമായി രാമായണ പാരായണവും പ്രചരണവും നടത്തുന്ന വട്ടപ്പാറ സോമശേഖരന് നായര്, രാമപാദ ഗാനം ആലപിച്ച ഗായകന് മണക്കാട് ഗോപന് തുടങ്ങിയവരെ ആദരിക്കും.
Discussion about this post