തിരുവനന്തപുരം: വിഴിഞ്ഞം അക്രമത്തില് സര്ക്കാരിനെതിരെ രൂക്ഷവിമര്ശനവുമായി ഗവര്ണര് ആരിഫ് മുഹമ്മദ് ഖാന്. ക്രമസമാധാനം നിലനിര്ത്താന് സര്ക്കാരിന് സമയമില്ല. ബിസിനസ് നടത്തുന്നതിലും സര്ക്കാരിനു താല്പര്യമില്ലെന്നും അദ്ദേഹം പറഞ്ഞു.
സര്വകലാശാലകള് നടത്തുന്നതിലാണ് സര്ക്കാരിന് താല്പര്യം. ബന്ധുക്കളുടെയും പാര്ട്ടിക്കാരുടെയും നിയമനത്തിന് വേണ്ടിയാണിത്. സര്വകലാശാലകളില് സ്വജനപക്ഷപാതം അരങ്ങേറുന്നത് എന്തുമാത്രം ലജ്ജാകരമാണെന്നും ഗവര്ണര് ചോദിച്ചു.
മന്ത്രിമാരുടെ പേഴ്സനല് സ്റ്റാഫിന്റെ നിയമനത്തില് എണ്ണം മാത്രമല്ല താന് ഉന്നയിച്ചതെന്നും ചോദ്യത്തിന് ഉത്തരമായി ഗവര്ണര് പറഞ്ഞു. താന് കേന്ദ്രമന്ത്രിയായിരുന്നപ്പോള് ആറോ ഏഴോ പേരാണ് പേഴ്സണല് സ്റ്റാഫിലുണ്ടായിരുന്നത്.
കേരളത്തിലെപോലെ 25 പേരടങ്ങിയ സൈന്യത്തെ നിയമിക്കാറില്ല. രണ്ടുവര്ഷം പ്രവര്ത്തിച്ചാല് ജീവിതകാലം മുഴുവന് പെന്ഷന് നല്കുന്നതാണ് ഇവിടത്തെ രീതിയെന്നും ഗവര്ണര് കുറ്റപ്പെടുത്തി.
Discussion about this post