തിരുവനന്തപുരം: മാറിയ കാലത്തിനനുസൃതമായി തന്നെ കെട്ടുറപ്പുള്ള സമൂഹത്തെ സൃഷ്ടിക്കുന്നതിനു കുട്ടികളുടെ സര്വതോന്മുഖമായ വികസനം അനിവാര്യമാണെന്നും ഈ ലക്ഷ്യത്തോടെയാണു പാഠ്യപദ്ധതി പരിഷ്കരണം നടപ്പാക്കുന്നതെന്നും മുഖ്യമന്ത്രി പിണറായി വിജയന്.
ഒരു വൈജ്ഞാനിക നൂതനത്വ സമൂഹമായി കേരളത്തെ പരിവര്ത്തിപ്പിക്കാനാണു സര്ക്കാര് ശ്രമിക്കുന്നതെന്നു മുഖ്യമന്ത്രി പറഞ്ഞു. അതില് വിദ്യാലയങ്ങള്ക്കുള്ള പങ്കു വലുതാണ്. വിജ്ഞാന വിതരണം ക്ലാസ് മുറികളില് മാത്രം ഒതുങ്ങിനിന്നാല് പോര. ലോക വൈജ്ഞാനിക ശൃംഖലയുമായി വിദ്യാര്ഥികളെ ബന്ധിപ്പിക്കണം. ഇതിന് അധ്യാപകര് മുന്കൈയെടുക്കണം.
പുതിയ തലമുറയുടെ ജീവിതാനുഭവങ്ങള് തിരിച്ചറിഞ്ഞ് അതിനു ചേരുന്ന വിധത്തില് അധ്യാപനം നടത്താന് കഴിയണം. നൂതന വിഷയങ്ങള്ക്കൊപ്പം ചരിത്രബോധവും കുട്ടികള്ക്കു പകര്ന്നു നല്കണം. സ്കൂളുകളുടെ അടിസ്ഥാന സൗകര്യ വികസനത്തില് വലിയ മുന്ഗണനയാണു കഴിഞ്ഞ സര്ക്കാര് നല്കിയതെന്നു മുഖ്യമന്ത്രി ചൂണ്ടിക്കാട്ടി.
Discussion about this post