എറണാകുളം: പ്രമുഖ ശാസ്ത്രജ്ഞനും പ്രഭാഷകനുമായ ഡോ. എന്. ഗോപാലകൃഷ്ണന്റെ മരണത്തില് അനുസ്മരിച്ച് ഹിന്ദു ഐക്യവേദി സംസ്ഥാന അദ്ധ്യക്ഷ കെ.പി ശശികല ടീച്ചര്. ജ്ഞാന വിപ്ലവം സൃഷ്ടിച്ച സ്വാഭിമാനി ഹിന്ദുവായിരുന്നു ഡോ. എന്. ഗോപാലകൃഷ്ണന് എന്നും ഈ നഷ്ടം നികത്താനാകില്ലെന്നും ശശികല ടീച്ചര് അനുസ്മരിച്ചു. അശ്രുപൂജയോടെ അദ്ദേഹത്തിന് പാദ പ്രണാമം ചെയ്യുന്നതായും ടീച്ചര് പറഞ്ഞു.
ഹൃദയാഘാതത്തെ തുടര്ന്ന് രാത്രി ഒന്പത് മണിയോടെ എറണാകുളത്തെ സ്വകാര്യ ആശുപത്രിയിലായിരുന്നു ഗോപാലകൃഷ്ണന്റെ അന്ത്യം. 6000-ല് അധികം പ്രഭാഷണങ്ങളിലൂടെ ഹൈന്ദവബോധം പകര്ന്ന മനീഷിയായിരുന്നു അദ്ദേഹം. 1999-ല് തിരുവനന്തപുരത്ത് കേന്ദ്രമാക്കി ഇന്ത്യന് ഇന്സ്റ്റിറ്റ്യൂട്ട് ഓഫ് സയന്റിഫിക് ഹെറിറ്റേജ് സ്ഥാപിച്ചു. ഇന്സ്റ്റിറ്റ്യൂട്ടിന്റെ സ്ഥാപക ഡയറക്ടറായ അദ്ദേഹം ഇന്ത്യന് ശാസ്ത്ര പൈതൃകം പഠിക്കുന്നതിനും പഠിപ്പിക്കുന്നതിനുമായി മുഴുവന് സമയവും നീക്കി വെച്ചു. സംസ്കൃതത്തിലെ ഗവേഷണത്തിനും പഠനത്തിനും ഡി.ലിറ്റ് ലഭിച്ച ഏക ശാസ്ത്രജ്ഞനാണ് അദ്ദേഹം.
28 വര്ഷത്തെ ഗവേഷണ പരിചയമുള്ള ഡോ. എന് ഗോപാലകൃഷ്ണന് ദേശീയ അന്തര്ദേശീയ ശാസ്ത്ര ജേണലുകളില് 50 ശാസ്ത്ര ഗവേഷണ പ്രബന്ധങ്ങള് പ്രസിദ്ധീകരിച്ചിട്ടുണ്ട്. 7 പേറ്റന്റുകള്, ശാസ്ത്ര ഗവേഷണത്തിനുള്ള 6 അവാര്ഡുകള്, ഇന്ത്യയിലും വിദേശത്തുനിന്നും 9 ശാസ്ത്ര ജനകീയവല്ക്കരണ അവാര്ഡുകള്, രണ്ട് ഫെലോഷിപ്പുകള് എന്നിവ നേടി. 60 പുസ്തകങ്ങളുടെ രചയിതാവ് കൂടിയാണ് അദ്ദേഹം.
Discussion about this post