കണ്ണൂര്: കണ്ണൂര് സര്വകലാശാലയില് അസോസിയേറ്റ് പ്രൊഫസറായി പ്രിയ വര്ഗീസ് ചുമതലയേറ്റു. കണ്ണൂര് സര്വകലാശാല ആസ്ഥാനത്തെത്തിയാണ് പ്രിയ വര്ഗീസ് ചുമതലയേറ്റത്. ഇന്ന് തന്നെ നീലേശ്വരം ക്യാമ്പസില് അസോസിയേറ്റ് പ്രൊഫസറായി ജോലിയില് പ്രവേശിക്കുമെന്ന് പ്രിയ വര്ഗീസ് അറിയിച്ചു. വേണ്ടതായ യോഗ്യത ഉണ്ടെന്ന് ഹൈക്കോടതി ഡിവിഷന് ബെഞ്ച് ഉത്തരവിട്ടതിന് പിന്നാലെ പ്രിയക്ക് സര്വകലാശാല നിയമന ഉത്തരവ് കൈമാറിയിരുന്നു.
അതേസമയം, പ്രിയ വര്ഗീസിന്റെ നിയമനം ശരിവച്ച ഹൈക്കോടതി വിധിക്കെതിരെ യുജിസി സുപ്രീംകോടതിയെ സമീപിക്കും. ഡിവിഷന് ബെഞ്ച് വിധിക്കെതിരെ അപ്പീല് നല്കാനാണ് യുജിസിക്ക് ലഭിച്ച നിയമോപദേശം. ഗവേഷണ കാലവും എന്എസ്എസ് പ്രവര്ത്തന കാലവും അദ്ധ്യാപന കാലയളവായി കണക്കാക്കിയാണ് ഹൈക്കോടതി ഡിവിഷന് ബെഞ്ച് പ്രിയ വര്ഗീസിന് അനുകൂലമായി വിധി പുറപ്പെടുവിച്ചത്.
ഇത് 2018ലെ അസോസിയേറ്റ് പ്രൊഫസര് നിയമനവുമായി ബന്ധപ്പെട്ട യുജിസി ചട്ടത്തിലെ വകുപ്പ് തന്നെ അപ്രസക്തമാക്കും എന്നാണ് നിയമോപദേശം. റെഗുലേഷനില് പറയുന്ന അദ്ധ്യാപക പരിചയമില്ലാത്ത ഉദ്യോഗാര്ത്ഥികളും ഈ ഉത്തരവ് ചൂണ്ടിക്കാട്ടി നിയമപോരാട്ടം നടത്താനുള്ള സാദ്ധ്യതയും യുജിസി കാണുന്നു. ഈ സാഹചര്യത്തിലാണ് അപ്പീല് പോകാന് യുജിസി തീരുമാനിച്ചത്.
Discussion about this post