കൊച്ചി: ശബരിമല മേല്ശാന്തി നിയമനം ഹൈക്കോടതി ശരിവച്ചു. നിയമനം റദ്ദാക്കണമെന്ന ഹര്ജിയും ഹൈക്കോടതി തള്ളി. ദേവസ്വം ബെഞ്ചിന്റേതാണ് ഉത്തരവ്. തെരഞ്ഞെടുപ്പില് ഇടപെടാനുള്ള കാരണങ്ങള് ഇല്ലെന്ന് ചൂണ്ടിക്കാട്ടിയാണ് ഹര്ജി ഹൈക്കോടതി തള്ളിയത്. തിരുവനന്തപുരം സ്വദേശി മദുസൂധനന് നമ്പൂതിരിയാണ് തെരഞ്ഞെടുപ്പില് ക്രമക്കേട് നടന്നെന്ന് ചൂണ്ടിക്കാട്ടി ഹൈക്കോടതിയെ സമീപിച്ചത്.
മേല്ശാന്തി തെരഞ്ഞെടുപ്പില് ആവശ്യമില്ലാത്ത ആളുകളുടെ സാന്നിധ്യം ഉണ്ടായെന്ന് ഹൈക്കോടതി വ്യക്തമാക്കിയിരുന്നു. എന്നാല് ഒബ്സര്വറുടെ സാന്നിധ്യത്തിലാണ് തെരഞ്ഞടുപ്പ് നടത്തിയതെന്നും തെരഞ്ഞെടുപ്പ് സുതാര്യമായിരുന്നുവെന്നും ദേവസ്വം ബോര്ഡ് കോടതിയെ അറിയിച്ചു.
കോടതി നിര്ദ്ദേശപ്രകാരം തെരഞ്ഞെടുപ്പിന്റെ സിസിടിവി ദൃശ്യം തിരുവിതാംകൂര് ദേവസ്വംബോര്ഡ് കോടതിയില് ഹാജരാക്കിയിരുന്നു. നറുക്കെടുപ്പിന് തയാറാക്കിയ പേപ്പറുകളില് രണ്ടെണ്ണം മടക്കിയും മറ്റുള്ളവ ചുരുട്ടിയുമാണിട്ടതെന്നായിരുന്നു പ്രധാന ആരോപണം.
Discussion about this post