തിരുവനന്തപുരം: ചേങ്കോട്ടുകോണം ശ്രീരാമദാസാശ്രമത്തില് നടക്കുന്ന 23-ാമത് ശ്രീരാമനവമി ഹിന്ദുമഹാസേമ്മളനത്തിന് മുന്നോടിയായി ഏപ്രില് 12 മുതല് 17 വരെ അനന്തപുരിയിലും ശ്രീനീലകണ്ഠപുരത്തും ‘ശ്രീരാമലീല’ നടക്കും. ഏപ്രില് 12-ാം തീയതി വൈകുന്നേരം 6ന് പൂജപ്പുര സരസ്വതി മണ്ഡപത്തില് ചേരുന്ന പൊതുസമ്മേളനത്തില് ട്രിഡ ചെയര്മാന് ടി.കെ.വേണുഗോപാല് രാമലീല ഉദ്ഘാടനം ചെയ്യും. മുന് മേയര് പ്രൊഫ.ജെ.ചന്ദ്ര, ബി.ജെ.പി ജില്ലാപ്രസിഡന്റ് കരമന ജയന്, പൂജപ്പുര വാര്ഡ് കൗണ്സിലര് കെ. മഹേശ്വരന്നായര്, ഹിന്ദുഐക്യവേദി ജില്ലാസെക്രട്ടറി തിരുമല അനി, സതീഷ് പൂജപ്പുര തുടങ്ങിയവര് സംസാരിക്കും.
തിരുമല മാധവസ്വാമി ആശ്രമം, പൂജപ്പുര സരസ്വതി മണ്ഡപം, ആറ്റുകാല് ദേവീക്ഷേത്രം, ആനയറ സ്വരൂപാനന്ദാശ്രമം, നന്തന്കോട് ശ്രീമഹാദേവര്ക്ഷേത്രം, കവടിയാര് കട്ടച്ച ഭഗവതിക്ഷേത്രം എന്നി സ്ഥലങ്ങള് കേന്ദ്രമാക്കി അനന്തപുരിയിലും, ഇളംകുളം ശ്രീമഹാദേവര് ക്ഷേത്രം, കാര്യവട്ടം ശ്രീധര്മ്മശാസ്താക്ഷേത്രം, പള്ളിപ്പുറം തോന്നല്ദേവീക്ഷേത്രം, അയിരൂര്പാറ ശ്രീകൃഷ്ണസ്വാമി ക്ഷേത്രം, അലിയാവൂര് ശ്രീമഹാദേവര്ക്ഷേത്രം, ഇടത്തറ ശ്രീഭദ്രകാളിക്ഷേത്രം എന്നി സ്ഥലങ്ങള് കേന്ദ്രമാക്കി ശ്രീനീലകണ്ഠപുരത്തുമുള്ള ബാല- അയോദ്ധ്യാ-ആരണ്യ-കിഷ്കിന്ധ-സുന്ദര-യുദ്ധ കാണ്ഡങ്ങളില് ശ്രീരാമപൂജ, ശ്രീരാമായണപാരായണം, പ്രഭാഷണം തുടങ്ങിയ ശ്രീരാമലീല പരിപാടികള് നടക്കും. ഏപ്രില് 17ന് ശ്രീരാമപട്ടാഭിഷേകത്തോടെ ശ്രീരാമലീല പര്യവസാനിക്കും.
Discussion about this post