തിരുവനന്തപുരം: നടപ്പ് അധ്യയനവര്ഷം പ്രീപ്രൈമറി മുതല് ഹയര്സെക്കന്ഡറി വരെ നടപ്പാക്കുന്ന പരിഷ്ക്കരിച്ച സമഗ്ര സ്കൂള് പാഠ്യപദ്ധതിയുടെ ഉദ്ഘാടനം വിദ്യാഭ്യാസ മന്ത്രി പി.കെ.അബ്ദുറബ്ബ് നിര്വ്വഹിച്ചു. എസ്.സി.ഇ.ആര്.ടി. തയ്യാറാക്കിയ സമീപനരേഖ, സിലബസ് റിസോഴ്സ് ബുക്ക് എന്നിവയുടെ പ്രകാശനം സിനിമാതാരം സുരേഷ്ഗോപി നിര്വ്വഹിച്ചു.
പൂജപ്പുര എസ്.സി.ഇ.ആര്.ടി. യില് നടന്ന ചടങ്ങില് പൊതുവിദ്യാഭ്യാസ സ്പെഷ്യല് സെക്രട്ടറി എ.ഷാജഹാന് അദ്ധ്യക്ഷത വഹിച്ചു. പൊതുവിദ്യാഭ്യാസ ഡയറക്ടര് പി.ഐ.ഷേയ്ക് പരീത്, എസ്.സി.ഇ.ആര്.ടി. ഡയറക്ടര് പ്രൊഫസര് കെ.എ.ഹാഷീം, ഐടി@സ്കൂള് ഡയറക്ടര് ഡോക്ടര് ബാബു സെബാസ്റ്റ്യന്, ഡോക്ടര് കെ.ഓമനക്കുട്ടി തുടങ്ങിയവര് പങ്കെടുത്തു.
Discussion about this post