കൊച്ചി: തൃശൂര് കൊടകരയിലുള്ള സര്ക്കാരിന്റെ കൈവശമുള്ള തരിശുഭൂമി പട്ടികജാതി-വര്ഗക്കാര്ക്കു വിതരണം ചെയ്യണമെന്ന ആവശ്യം ഹൈക്കോടതി തള്ളി. കേരള പുലയര് മഹാസഭയ്ക്കായി ട്രഷറര് കൊടകര സ്വദേശി സുധാകരന് നല്കിയ ഹര്ജിയാണു ചീഫ് ജസ്റ്റീസ് മഞ്ജുള ചെല്ലൂര്, ജസ്റ്റീസ് പി.ആര്. രാമചന്ദ്രമേനോന് എന്നിവരടങ്ങിയ ഡിവിഷന് ബെഞ്ച് തള്ളിയത്.
കൊടകരയ്ക്കു സമീപം മുകുന്ദപുരത്താണ് എന്എച്ച്-47നു സമീപം 18-79 ഏക്കര് തരിശുഭൂമിയുള്ളത്. അതില് 25 ശതമാനം ഭൂരഹിതരായ പിന്നോക്കക്കാര്ക്ക് നീക്കിവച്ചിരുന്നു. ബാക്കി ഭൂമി പൊതു ആവശ്യത്തിനു മാറ്റിവച്ചിരിക്കുകയാണ്. ഭൂരഹിതരായ ഒട്ടേറെ എസ്സി- എസ്ടി വിഭാഗക്കാരുണ്ടായിട്ടും അവര്ക്കൊന്നും പതിച്ചുകൊടുക്കുന്നില്ല. അതേസമയം റോഡ് നിര്മാണത്തിനു കരാര് ഏറ്റെടുത്ത കെഎംസി കണ്സ്ട്രക്ഷന്സ് ഭൂമി കൈയേറുകയാണെന്നാണു ഹര്ജിക്കാരന്റെ വാദം.
എന്നാല്, ഹര്ജിക്കാരന് പറയുന്ന കാര്യങ്ങള്ക്കു രേഖകളില്ലെന്നു ഹര്ജി തള്ളി കോടതി ചൂണ്ടിക്കാട്ടി. എസ്സി-എസ്ടി വിഭാഗങ്ങളില്പ്പെട്ട ഭൂരഹിതര് ഭൂമി പതിച്ചുകിട്ടാന് ക്യൂനില്ക്കുകയാണെന്ന വാദത്തിനു തെളിവില്ലെന്നും കോടതി പറഞ്ഞു.
Discussion about this post