തിരുവനന്തപുരം: ശ്രീരാമദാസമിഷന് യൂണിവേഴ്സല് സൊസൈറ്റിയുടെ ആഭിമുഖ്യത്തില് വിവിധ ഹൈന്ദവ സംഘടനകളുടെ സഹകരണത്തോടുകൂടി ശ്രീരാമനവമിയോടനുബന്ധിച്ച് 1991 മുതല് ആരംഭിച്ച ശ്രീരാമനവമി രഥയാത്രയുടെ രജതജൂബിലിയായ ഇക്കൊല്ലം മാര്ച്ച് 3ന് കൊല്ലൂര് ശ്രീമൂകാംബിക ക്ഷേത്ര സന്നിധിയില് നിന്നും ആരംഭിക്കും. ക്ഷേത്ര ശ്രീകോവിലില്നിന്നും മുഖ്യതന്ത്രി പകര്ന്നു നല്കുന്ന ദീപം ശ്രീരാമദാസമിഷന് അദ്ധ്യക്ഷന് ബ്രഹ്മശ്രീ സ്വാമി ബ്രഹ്മപാദാനന്ദസരസ്വതി ശ്രീരാമരഥത്തില് അഖണ്ഡ ജ്യോതിയായി പ്രതിഷ്ഠിക്കും.
ക്ഷേത്രമാതൃകയില് വിധിപ്രകാരം നിര്മ്മിച്ചിട്ടുള്ള രഥത്തില് പഞ്ചലോഹ നിര്മ്മിതമായ ശ്രീരാമസീതാ ആജ്ഞനേയ വിഗ്രഹം, ശ്രീരാമപാദുകം, ചൂഢാരത്നം ശ്രീമൂകാംബികജ്യോതി ശ്രീരാമദാസാശ്രമസ്ഥാപകാചാര്യന് ബ്രഹ്മശ്രീ നീലകണ്ഠഗുരുപാദരുടെയും ജഗദ്ഗുരു സ്വാമി സത്യാനന്ദസരസ്വതി തൃപ്പാദങ്ങളുടെയും ഛായാചിത്രം എന്നിവ നിത്യാരാധനയ്ക്കും ദര്ശനത്തിനുമായി പ്രതിഷ്ഠിച്ചിരിക്കും.
ലോകം ഒരുകുടുംബം എന്ന രാമായണ സന്ദേശം വിളംബരം ചെയ്ത് വിശ്വശാന്തിക്കും സമാധാനത്തിനുമായി പരിക്രമണം നടത്തുന്ന ശ്രീരാമനവമി രഥയാത്ര
ദക്ഷിണകര്ണാടകത്തിലും കേരളത്തിലെ എല്ലാ ജില്ലകളിലും കന്യാകുമാരിയിലും സംഘടിപ്പിച്ചിട്ടുള്ള സ്വീകരണങ്ങളിലും ഹിന്ദുമഹാസമ്മേളനങ്ങളിലും പങ്കെടുത്ത്
മാര്ച്ച് 28ന് തിരുവനന്തപുരം ചേങ്കോട്ടുകോണം ശ്രീരാമദാസാശ്രമത്തില് സമാപിക്കും.
Discussion about this post