തിരുവനന്തപുരം: ശ്രീരാമദാസ മിഷന് യൂണിവേഴ്സല് സൊസൈറ്റിയുടെ ആഭിമുഖ്യത്തില് ചേങ്കോട്ടുകോണം ശ്രീരാമദാസ ആശ്രമത്തില് ശ്രീരാമനവമിയോടനുബന്ധിച്ചു നടക്കുന്ന ശ്രീരാമനവമി ഹിന്ദുമഹാസമ്മേളനത്തിനു മുന്നോടിയായി മാര്ച്ച് 3ന് കൊല്ലൂര് ശ്രീമൂകാംബികാ ദേവീക്ഷേത്രസന്നിധിയില് നിന്നും ശ്രീരാമദാസ മിഷന് അദ്ധ്യക്ഷന് ബ്രഹ്മശ്രീ സ്വാമി ബ്രഹ്മപാദാനന്ദ സരസ്വതിയുടെ നേതൃത്വത്തില് പര്യടനം ആരംഭിച്ച ശ്രീരാമനവമി രഥയാത്ര ഇന്നു (മാര്ച്ച് 24) രാവിലെ 11.30ന് പാരിപ്പള്ളി വഴി തിരുവനന്തപുരം ജില്ലയില് പ്രവേശിക്കും.
ശ്രീരാമദാസ മിഷന് ഭാരവാഹികളും വിവിധ ഹൈന്ദവസംഘടനാ നേതാക്കളും ചേര്ന്ന് ശ്രീരാമരഥത്തിന് സ്വീകരണം നല്കും. തുടര്ന്ന് വിവിധകേന്ദ്രങ്ങളില് സ്വീകരണങ്ങള്ക്കുശേഷം 25ന് വൈകുന്നേരം കന്യാകുമാരിയിലേക്കു പോകും. 26 ന് രാവിലെ കന്യാകുമാരി ദേവീദര്ശനവും കഴിഞ്ഞ് കളിയിക്കാവിള വഴി തിരുവനന്തപുരം ജില്ലയില് പ്രവേശിക്കുന്ന രഥയാത്ര നഗരത്തിലെ ശ്രീരാമായണ കാണ്ഡങ്ങളില് പര്യടനം നടത്തും. 27ന് ശ്രീനീലകണ്ഠപുരത്തെ ശ്രീരാമായണ കാണ്ഡങ്ങളിലെ പരിക്രമണത്തിനു ശേഷം വൈകുന്നേരം ചേങ്കോട്ടുകോണം ശ്രീരാമദാസ ആശ്രമത്തില് എത്തിച്ചേരും.
Discussion about this post