1000 കോടി രൂപയുടെ കടപ്പത്രം പുറപ്പെടുവിക്കുന്നു

തിരുവനന്തപുരം: സംസ്ഥാനത്തിന്റെ വികസന പ്രവര്‍ത്തനങ്ങള്‍ക്ക് ധനശേഖരണാര്‍ത്ഥം 1000 കോടി രൂപയുടെ കടപ്പത്രം പുറപ്പെടുവിക്കുന്നു. ഇതിനായുള്ള ലേലം മെയ് 12 -ന് റിസര്‍വ്വ് ബാങ്കിന്റെ മുംബൈ ഓഫീസില്‍ നടക്കും. ഓപ്പണ്‍ മാര്‍ക്കറ്റ് ബോറോയിംഗ് പ്രോഗ്രാം അനുസരിച്ചാണ് ലേലം നടക്കുക. 10 കൊല്ലം കാലാവധിയുള്ള സെക്യൂരിറ്റികളാണ് ലേലം ചെയ്യുക. മത്സരാടിസ്ഥാനത്തിലുള്ള ബിഡുകള്‍ മെയ് 12 -ന് രാവിലെ 10.30 നും 12 മണിക്കും മദ്ധ്യേയും മത്സരാടിസ്ഥാനത്തിലല്ലാത്തവ രാവിലെ 10.30 നും 11.30-നും മദ്ധ്യേയും ഇ-കൂബര്‍ സംവിധാനം വഴി നല്‍കണം. ലേലം സംബന്ധിച്ച വിജ്ഞാപനത്തിനും (36675/എസ്.എസ്.1/2015/ഫിന്‍. തീയതി 08.05.2015) വിശദാംശങ്ങള്‍ക്കും ധനവകുപ്പിന്റെ വെബ്‌സൈറ്റ് (www.finance.kerala.gov.in)സന്ദര്‍ശിക്കുക.