തിരുവനന്തപുരം: ചേങ്കോട്ടുകോണം ശ്രീരാമദാസ ആശ്രമസ്ഥാപകാചാര്യനും ജഗദ്ഗുരു സ്വാമി സത്യാനന്ദസരസ്വതി തൃപ്പാദങ്ങളുടെ ഗുരുനാഥനുമായ ബ്രഹ്മശ്രീ നീലകണ്ഠഗുരുപാദരുടെ 50ാം മഹാസമാധി വാര്‍ഷികം ഭക്തിനിര്‍ഭരമായ ചടങ്ങുകളോടെ ആചരിച്ചു. സ്വാമി ബ്രഹ്മപാദാനന്ദ സരസ്വതി തൃപ്പാദങ്ങളുടെ മുഖ്യകാര്‍മികത്വത്തില്‍ മഹാസമാധി മണ്ഡപത്തില്‍ പ്രത്യേകപൂജകള്‍ നടന്നു. ഗുരുഗീതാ പാരായണം, ഭജന, ലക്ഷാര്‍ച്ചന, ശ്രീരാമപട്ടാഭിഷേകം എന്നിവയും മഹാസമാധിവാര്‍ഷികത്തിന്റെ ഭാഗമായി ആശ്രമത്തില്‍ നടന്നു.
Discussion about this post