തിരുവനന്തപുരം: തദ്ദേശസ്വയംഭരണസ്ഥാപനങ്ങള് ജനങ്ങളുടെ പ്രതീക്ഷക്കൊത്ത് ഉയര്ന്ന് പ്രവര്ത്തിക്കണമെന്ന് മുഖ്യമന്ത്രി ഉമ്മന് ചാണ്ടി അഭിപ്രായപ്പെട്ടു. മടവൂര് ഗ്രാമപഞ്ചായത്തിന് പുതുതായി നിര്മിച്ച ഓഫീസ് കെട്ടിടത്തിന്റെ ഉദ്ഘാടനം നിര്വഹിച്ചു സംസാരിക്കുകയായിരുന്നു അദ്ദേഹം.
പദ്ധതി ചെലവിന്റെ 25 ശതമാനം സര്ക്കാര് പഞ്ചായത്തുകള്ക്കായി മാറ്റിവെക്കുകയാണ്. മറ്റൊരു സംസ്ഥാനത്തും ഇൗ സൗകര്യമില്ല. അതുകൊണ്ടുതന്നെ നല്ല സേവനം ജനങ്ങള്ക്ക് നല്കാന് പഞ്ചായത്തുകള് തയാറാകണം. ജനപ്രതിനിധികളും രാഷ്ട്രീയ നേതാക്കളും മല്സരിക്കേണ്ടത് ജനങ്ങള്ക്ക് ഏറ്റവുമാദ്യം മികച്ച സേവനം നല്കാനായിരിക്കണം. ആധുനിക സൗകര്യങ്ങള് ലഭ്യമാക്കാനുള്ള നടപടികള് സര്ക്കാര് സ്വീകരിക്കും. എല്ലാ പഞ്ചായത്തുകളിലും സര്ട്ടിഫിക്കറ്റുകള് ഓണ്ലൈനാക്കും. കേരളം ആദ്യത്തെ ഡിജിറ്റല് സംസ്ഥാനമാകുമെന്നും മുഖ്യമന്ത്രി പറഞ്ഞു. സമയബന്ധിതമായി കെട്ടിടനിര്മ്മാണം പൂര്ത്തിയാക്കിയ കരാറുകാരന് ഗുരുദാസിനെ ചടങ്ങില് മുഖ്യമന്ത്രി ആദരിച്ചു. മടവൂര് എന്.എസ്.എസ് ഹയര് സെക്കന്ഡറി സ്കൂള് ഓഡിറ്റോറിയത്തില് നടന്ന ചടങ്ങില് വര്ക്കല കഹാര് എം.എല്.എ അധ്യക്ഷത വഹിച്ചു. ജില്ലാ പഞ്ചായത്ത് എക്സിക്യൂട്ടീവ് എഞ്ചിനീയര് അന്വര് ഹുസൈന് റിപ്പോര്ട്ട് അവതരിപ്പിച്ചു.
Discussion about this post