കോതമംഗലം: ആനവേട്ട കേസിലെ പ്രതി വാസുവിനു മഹാരാഷ്ട്രയില് ഒളിവില് താമസിക്കാന് സൗകര്യം ചെയ്തുകൊടുത്ത മഹാരാഷ്ട്രയിലെ പൈനാപ്പിള് തോട്ടമുടമ പെരുമ്പാവൂര് ഐരാപുരം സ്വദേശി മനോജിനെ അറസ്റ്റ് ചെയ്തു. ഇയാളെ കോടനാടുള്ള മലയാറ്റൂര് ഫോറസ്റ്റ് ഡിവിഷന് ഓഫീസില് ചോദ്യംചെയ്തതില് നിര്ണായക വിവരങ്ങള് ലഭിച്ചു.
ആനവേട്ടയിലും വാസുവിന്റെ മരണത്തിലും മനോജിനു പങ്കുണേ്ടായെന്ന കാര്യം പോലീസ് അന്വേഷിച്ചു വരുന്നു. മനോജിനെ വെള്ളിയാഴ്ച കോതമംഗലം മജിസ്ട്രേറ്റ് കോടതി മുമ്പാകെ ഹാജരാക്കും. വാസുവിനെ സിന്ധുദുര്ഗിലെ ദോഡാമാര്ഗിലെ തന്റെ കൃഷിയിടത്തില് ഒളിവില് പാര്പ്പിച്ചതുമായി ബന്ധപ്പെട്ടുള്ള ചോദ്യങ്ങള്ക്കുള്ള മനോജിന്റെ മറുപടിയില് വൈരുധ്യമുള്ളതായി അന്വേഷണ സംഘം വിലയിരുത്തുന്നു. വാസുവുമായി 40 ദിവസത്തെ പരിചയം മാത്രമാണ് ഉണ്ടായിരുന്നതെന്ന് മനോജ് ചോദ്യംചെയ്യലില് പറഞ്ഞിരുന്നു. കേസിലെ മുഖ്യപ്രതി വാസുവിന്റെ മൃതദേഹം അഞ്ചുദിവസം മുമ്പാണ് മഹാരാഷ്ട്രയിലെ മനോജിന്റെ തോട്ടത്തില്നിന്നു കണെ്ടത്തിയത്.
മനോജിന്റെ തോട്ടത്തിലെ തൊഴിലാളികളുടെയും പരിസരവാസികളുടെയും മൊഴിയും സംശയമുണ്ടാക്കുന്നതാണ്. വാസുവും മനോജും തമ്മില് നേരത്തെതന്നെ പരിചയക്കാരായിരുന്നുവെന്നാണ് ഇവരെ ചോദ്യം ചെയ്തതില്നിന്നു വ്യക്തമായത്. വാസു ഇതിനു മുമ്പും കൃഷിയിടത്തില് വന്നിരുന്നുവെന്നാണു മനസിലാക്കാന് സാധിച്ചിട്ടുള്ളതെന്നും അന്വേഷണസംഘം പറഞ്ഞു.
Discussion about this post