തിരുവനന്തപുരം: പ്രകൃതി ദുരന്തങ്ങളെ നേരിടാന് ഫയര്ഫോഴ്സിന്റെ സേവനം ഉറപ്പുവരുത്തുമെന്ന് ആഭ്യന്തരമന്ത്രി രമേശ് ചെന്നിത്തല. ഇക്കാര്യത്തില് അടിയന്തര നടപടി സ്വീകരിക്കണമെന്ന് ആഭ്യന്തര സെക്രട്ടറി നളിനി നേറ്റോക്ക് അദ്ദേഹം നിര്ദേശം നല്കി.
കഴിഞ്ഞ ദിവസം വയനാട് ചുരത്തില് മണ്ണിടിച്ചിലിനെ തുടര്ന്ന് മരം വീണ് ഗതാഗതം തടസ്സപ്പെട്ടപ്പോള് ഫയര്ഫോഴ്സിനെ വിളിച്ചിട്ടും അവര് സഹായത്തിനെത്തിയില്ലെന്നും മറ്റുമുള്ള നിരവധി പരാതി മന്ത്രിയുടെ ശ്രദ്ധയില്പ്പെട്ടതിനെ തുടര്ന്നാണ് നടപടി. അടൂര് എഞ്ചിനീയറിങ്ങ് കോളേജിലെ ഓണാഘോഷത്തിനിടെ ഫയര് ഫോഴ്സ് വാഹനങ്ങള് ദുരുപയോഗം ചെയ്ത സംഭവത്തെ തുടര്ന്ന് അഗ്നിരക്ഷാസേന ഡയറക്ടര് ജനറല് പുറത്തിറക്കിയ ഉത്തരവിലെ ചില നിബന്ധനകളാണ് ദുരന്തനിവാരണ പ്രവര്ത്തനങ്ങള്ക്ക് തടസമായതെന്നാണ് പരാതി. ഈ സാഹചര്യത്തില് ജനങ്ങളെ സഹായിക്കുന്നതിന് ദുരന്ത നിവാരണ പ്രവര്ത്തനങ്ങള്ക്ക് അഗ്നിശമന സേനയുടെ സേവനം ഉറപ്പുവരുത്തി നിബന്ധനകള് ഉടന് പരിഷ്കരിക്കണമെന്ന് അദ്ദേഹം നിര്ദേശിച്ചു.
Discussion about this post