പത്തനംതിട്ട: ശബരിമല ക്ഷേത്രത്തിലെ മണ്ഡല-മകരവിളക്ക് തീര്ഥാടനത്തോടനുബന്ധിച്ച് സന്നിധാനത്ത് വിവിധ വിഭാഗങ്ങളില് ദിവസവേതനാടിസ്ഥാനത്തില് രണ്ടുമാസം താല്ക്കാലികമായി ജോലിചെയ്യാന് താല്പര്യമുള്ളവര്ക്ക് അപേക്ഷിക്കാം.
അപേക്ഷയുടെ മാതൃക ദേവസ്വംബോര്ഡ് ആസ്ഥാനത്തും ദേവസ്വം ബോര്ഡിന്റെ എല്ലാ അസിസ്റ്റന്റ് ദേവസ്വം കമ്മീഷണര് ഓഫീസുകളിലും ദേവസ്വം ബോര്ഡ് വെബ്സൈറ്റിലും ലഭിക്കും. പൂരിപ്പിച്ച് 10 രൂപയുടെ ദേവസ്വം സ്റ്റാംപ് പതിച്ച് പോലീസ് വെരിഫിക്കേഷന് സര്ട്ടിഫിക്കറ്റ്, മെഡിക്കല് ഫിറ്റ്നസ് സര്ട്ടിഫിക്കറ്റ്, ജാതി/മതം, വയസ് എന്നിവ തെളിയിക്കുന്നതിനുള്ള സര്ട്ടിഫിക്കറ്റ്, തിരിച്ചറിയല് കാര്ഡിന്റെ പകര്പ്പ്, രണ്ട് ഫോട്ടോ എന്നിവ സഹിതം ചീഫ് എന്ജിനിയര്, തിരുവിതാംകൂര് ദേവസ്വം ബോര്ഡ്, നന്ദന്കോട്, തിരുവനന്തപുരം-695003 എന്ന വിലാസത്തില് ഒക്ടോബര് 15 ന് ലഭിക്കത്തക്കവിധം നല്കണം. കൂടുതല് വിവരങ്ങള്ക്ക് 0471-2318874, 2316963, 2317983.
Discussion about this post