തിരുവനന്തപുരം: ജനങ്ങളുടെ ജീവനും സ്വത്തിനും അപകടമുണ്ടാക്കുന്നതും ഉപേക്ഷിക്കപ്പെട്ടതുമായ ക്വാറികളെ സംബന്ധിച്ച് ഗ്രാമപഞ്ചായത്ത് മുനിസിപ്പാലിറ്റി സെക്രട്ടറിമാര് മുഖാന്തിരം വിവരശേഖരണം നടത്തി മൂന്ന് മാസത്തിനുളളില് ഉപേക്ഷിക്കപ്പെട്ട ക്വാറികള്ക്ക് ചുറ്റും സംരക്ഷണ ഭിത്തി, വേലി, അപായ സൂചനാ ബോര്ഡ് തുടങ്ങിയവ ക്വാറി/ സ്ഥലം ഉടമയെകൊണ്ട് സ്ഥാപിക്കാന് ജില്ലാ കളക്ടര്മാര്ക്ക് സര്ക്കാര് നിര്ദ്ദേശം നല്കി.
അപായ സൂചനാ ബോര്ഡ്, സംരക്ഷണ ഭിത്തി/ വേലി നിര്മ്മിച്ചിട്ടില്ലാത്തതും ഉപേക്ഷിക്കപ്പെട്ടതുമായ ക്വാറികളുടെ സ്ഥലത്തിന്റെ ഉടമകള് മൂന്ന് മാസത്തിനുളളില് ഇവ സ്ഥാപിച്ച് നിയമ നടപടികള് ഒഴിവാക്കണമെന്ന് മൈനിങ് ആന്ഡ് ജിയോളജി വകുപ്പ് അറിയിച്ചു. ധാതുഖനന ചട്ടങ്ങള് അനുസരിച്ച് ഖനനം കഴിഞ്ഞ സ്ഥലങ്ങള് മൂടുകയോ സംരക്ഷണ ഭിത്തിയോ, വേലിയോ നിര്മ്മിച്ച് ജനങ്ങള്ക്കും സ്വത്തിനും അപകടം ഉണ്ടാകുന്നില്ലെന്ന് ഉറപ്പ് വരുത്തുകയോ ചെയ്യേണ്ടത് ഖനനം നടത്തിയ വ്യക്തിയുടെ/ സ്ഥലം ഉടമയുടെ ഉത്തരവാദിത്തമാണ്. അത്തരം സ്ഥലങ്ങളില് അപായ സൂചന നല്കുന്ന ബോര്ഡ് സ്ഥാപിക്കേണ്ടതും ഖനന/ സ്ഥലം ഉടമയുടെ ഉത്തരവാദിത്തമാണ്. എന്നാല് ഖനനം കഴിഞ്ഞ ക്വാറികള് മൂടാത്തതും സംരക്ഷണ ഭിത്തി, വേലി, അപായ സൂചന നല്കുന്ന ബോര്ഡുകള് തുടങ്ങിയവ ഇല്ലാത്തതും കാരണം നിരവധി അപകടങ്ങള്ക്കും ജീവഹാനിക്കും ഇടയാക്കുകയും ഇത്തരം അപകടങ്ങള്ക്ക് സര്ക്കാരും ബന്ധപ്പെട്ട ഉദ്യോഗസ്ഥരും ക്വാറി ഉടമകളും നഷ്ടപരിഹാരം നല്കണമെന്ന് സംസ്ഥാന മനുഷ്യാവകാശ കമ്മീഷന് ഒന്നിലധികം തവണ സര്ക്കാരിന് ശുപാര്ശ നല്കിയിട്ടുണ്ട്
Discussion about this post