തിരുവനന്തപുരം: ഗതാഗതമന്ത്രി തിരുവഞ്ചൂര് രാധാകൃഷ്ണനുമായി നടത്തിയ ചര്ച്ച പരാജയപ്പെട്ടതിനെ തുടര്ന്ന് കെ.എസ്.ആര്.ടി.സി.യില് ഒരുവിഭാഗം ജീവനക്കാര് 20ന് പണിമുടക്കും. കെ.എസ്.ആര്.ടി.ഇ.എ.യുടെ നേതൃത്വത്തിലാണ് ജീവനക്കാര് പണിമുടക്കുന്നത്.
ക്ഷാമബത്ത കുടിശ്ശിക അനുവദിക്കുക, ശമ്പളവര്ധന നടപ്പാക്കുക തുടങ്ങിയ ആവശ്യങ്ങളുന്നയിച്ചാണ് പണിമുടക്ക്. തിരഞ്ഞെടുപ്പ് പെരുമാറ്റച്ചട്ടം തീരുന്നമുറയ്ക്ക് ഇക്കാര്യത്തില് ചര്ച്ചയാകാമെന്നായിരുന്നു സര്ക്കാര് നിലപാട്. എന്നാല് പ്രാഥമികചര്ച്ചപോലും തുടങ്ങാത്ത സാഹചര്യത്തില് കെ.എസ്.ആര്.ടി.ഇ.എ. നേതാക്കള് ചര്ച്ച ബഹിഷ്കരിക്കുകയായിരുന്നു.
അതേസമയം, സാമ്പത്തികബാധ്യതകള് കുറച്ച് കോര്പ്പറേഷന് കരകയറാനൊരുങ്ങുമ്പോള് തൊഴിലാളികള് സമരത്തിനൊരുങ്ങുന്നത് പൊതുജനതാത്പര്യത്തിനെതിരാണെന്നും ജീവനക്കാര് സമരത്തില്നിന്ന് പിന്മാറണമെന്നും മന്ത്രി തിരുവഞ്ചൂര് രാധാകൃഷ്ണന് ആവശ്യപ്പെട്ടു.
Discussion about this post