തിരുവനന്തപുരം: ബജറ്റവതരണ ദിവസം നിയമസഭയില് നടന്ന കൈയ്യാങ്കളിയുമായി ബന്ധപ്പെട്ട് ആറു പ്രതിപക്ഷ എംഎല്എമാരെ പ്രതികളാക്കി ക്രൈംബ്രാഞ്ച് കേസെടുത്തു. തിരുവനന്തപുരം മജിസ്ട്രേറ്റ് കോടതിയില് ക്രൈംബ്രാഞ്ച് എഫ്ഐആര് സമര്പ്പിക്കുകയും ചെയ്തു. ബാര്കോഴക്കേസില് കുറ്റാരോപിതനായ കെ.എം. മാണി ബജറ്റവതരിപ്പിക്കുന്നതിനെതിരെ നിയമസഭയില് നടന്ന പ്രതിപക്ഷ സമരത്തിനിടെ സ്പീക്കറുടെ ഡയസ് തകര്ത്ത സംഭവത്തിലാണ് കേസെടുത്തിരിക്കുന്നത്.
വി.ശിവന്കുട്ടി, ഇ.പി.ജയരാജന്, കെ. അജിത്, കുഞ്ഞഹമ്മദ് മാസ്റ്റര്, കെ.ടി.ജലീല്, സി.കെ.സദാശിവന് എന്നിവര്ക്കെതിരെയാണ് കേസ്. എംഎല്എമാര്ക്കെതിരെ പ്രോസിക്യൂഷന് നടപടികളുമായി മുന്നോട്ട് പോകാമെന്ന് നിയമവകുപ്പ് നിര്ദേശം നല്കിയതിനെത്തുടര്ന്നാണ് നടപടി. രണ്ടു ലക്ഷം രൂപയുടെ പൊതുമുതല് നശിപ്പിച്ചെന്ന് എഫ്ഐആറില് വ്യക്തമാക്കിയിട്ടുണ്ട്.
എന്നാല് ഈ സംഭവത്തില് ഒരു നടപടിയും ഉണ്ടായിട്ടില്ല. ഇത് ചൂണ്ടിക്കാട്ടി, പ്രതികാര നടപടിയാണ് ഭരണപക്ഷം നടത്തുന്നതെന്ന് പ്രതിപക്ഷം ആരോപിക്കുന്നു.
സംഭവത്തിന്റെ ദൃശ്യങ്ങളും മറ്റു തെളിവുകളും പരിശോധിച്ചാണ് ക്രൈംബ്രാഞ്ച് കോടതിയില് എഫ്ഐആര് സമര്പ്പിച്ചിരിക്കുന്നത്. ഒരാഴ്ച്ച മുന്പാണ് എഫ്ഐആര് സമര്പ്പിച്ചിട്ടുള്ളത്.
Discussion about this post