തിരുവനന്തപുരം: ഭക്ഷ്യസുരക്ഷാ നിയമം അനുസരിച്ച് ലഭിക്കേണ്ടത്ര അളവില് അരി കേരളത്തിന് ലഭിക്കുന്നില്ലെന്ന് മുഖ്യമന്ത്രി ഉമ്മന് ചാണ്ടി പറഞ്ഞു. സിവില് സപ്ലൈസ് കോര്പ്പറേഷന്റെ ക്രിസ്തുമസ് മെട്രോ വിപണി തിരുവനന്തപുരം പുത്തരിക്കണ്ടത്ത് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
വിലക്കയറ്റം തടയുന്നതിന് കേന്ദ്രത്തിന്റെ സഹായം തേടും. ഡിസംബര് പത്തിനും, പതിനൊന്നിനുമുള്ള ഡല്ഹി സന്ദര്ശന വേളയില് ഇക്കാര്യം കേന്ദ്രത്തിന്റെ ശ്രദ്ധയില്പ്പെടുത്തും. പ്രധാനമന്ത്രിയുടെ കേരള സന്ദര്ശന വേളയിലും ഇക്കാര്യം ഉന്നയിക്കാന് ശ്രമിക്കുമെന്നും മുഖ്യമന്ത്രി പറഞ്ഞു. വിലക്കയറ്റം തടയുന്നതിന് സര്ക്കാരിന്റെ വിവിധ ഏജന്സികള് സംയുക്തമായി ഫലപ്രദമായ വിപണി ഇടപെടല് നടത്തും. ഈ വര്ഷം നേരത്തേ ക്രിസ്തുമസ് ഫെയറുകള് ആരംഭിക്കുന്നത് ഈ ലക്ഷ്യവുമായാണ്. സിവില് സപ്ലൈസ് കോര്പ്പറേഷന്, കണ്സ്യൂമര് ഫെഡ്, ഹോര്ട്ടികോര്പ്പ് എന്നീ സര്ക്കാര് ഏജന്സികള്ക്ക് വിപണി ഇടപെടലിനാവശ്യമായ എല്ലാ പിന്തുണയും നല്കുമെന്നും മുഖ്യമന്ത്രി കൂട്ടിച്ചേര്ത്തു. ഭക്ഷ്യവകുപ്പ് മന്ത്രി അനൂപ് ജേക്കബ് അധ്യക്ഷനായിരുന്നു
Discussion about this post