തിരുവനന്തപുരം: സംസ്ഥാനത്തെ ബലക്ഷയമുള്ള ലക്ഷംവീടുകള്ക്ക് പകരം പുതിയ വീട് വച്ചു നല്കാനുള്ള പദ്ധതി ഉടന് പ്രഖ്യാപിക്കുമെന്ന് മുഖ്യമന്ത്രി ഉമ്മന് ചാണ്ടി പറഞ്ഞു. പ്രധാനമന്ത്രി ആവാസ് യോജന സമ്പൂര്ണ പാര്പ്പിട പദ്ധതിയുടെ സംസ്ഥാനതല ഉദ്ഘാടനം തിരുവനന്തപുരത്ത് നിര്വഹിച്ച് സംസാരിക്കുകയായിരുന്നു അദ്ദേഹം.
രാജ്യത്തെ ഏറ്റവും മാതൃകാപരമായ പാര്പ്പിട പദ്ധതിയായിരുന്നു എം.എന്. ഗോവിന്ദന് നായര് ഭവനനിര്മ്മാണ വകുപ്പ് മന്ത്രിയായിരുന്നപ്പോള് ആവിഷ്കരിച്ച ലക്ഷം വീട് പദ്ധതി. അന്പത്തിനാലായിരത്തോളം വീടുകള് ഈ പദ്ധതി പ്രകാരം വച്ചുനല്കി. ഇവയില് ബഹു ഭൂരിക്ഷവും ബലക്ഷയത്തിലാണിപ്പോള്. ഈ സാഹചര്യത്തിലാണ് പുതിയ വീട് നിര്മ്മിച്ചു നല്കാന് പദ്ധതിയ്ക്ക് രൂപം നല്കുന്നതെന്നും മുഖ്യമന്ത്രി പറഞ്ഞു. നാലരവര്ഷക്കാലത്തെ ഭരണത്തിനിടയില് തൃപ്തിനല്കാത്തത് മാലിന്യ സംസ്കരണ പ്രശ്നമാണ്. ഇക്കാര്യത്തില് നിരവധി നടപടികള് സര്ക്കാര് സ്വീകരിച്ചുവെങ്കിലും വേണ്ടത്ര വിജയമുണ്ടായില്ല. ഉറവിട മാലിന്യ സംസ്കരണമാണ് അല്പമെങ്കിലും ഫലപ്രദമായത്. എറണാകുളത്തെ ബ്രഹ്മപുരം പദ്ധതി വിജയപ്രദമായാല് കേന്ദ്രീകൃത മാലിന്യ സംസ്കരണ പരിപാടിയുമായി മുന്നോട്ടുപോകാനാവും. മാലിന്യ പ്രശ്നം വിനോദ സഞ്ചാര, ഐ.ടി മേഖലകളെയും പ്രതികൂലമായാണ് ബാധിക്കുന്നത്. ഈ സാഹചര്യത്തില് ക്ലീന് കേരള പദ്ധതി വിജയകരമായി നടപ്പാക്കാന് തദ്ദേശ സ്ഥാപനങ്ങള് മുന്നോട്ടു വരണമെന്നും മുഖ്യമന്ത്രി ആവശ്യപ്പെട്ടു.
Discussion about this post